დიდ დიღომში დასასვენებელი სივრცე ეწყობა

დიდ დიღომში, ე.წ. „ანბანის სკვერის“ ტერიტორიაზე, სადაც ადგილმონაცვლეობა განხორციელდა, დასასვენებელი სივრცის რეაბილიტაცია მიმდინარეობს.

როგორც „ინტერპრესნიუსს“ დედაქალაქის მერიიდან აცნობეს, სამუშაოების ფარგლებში, 3 800 კვ.მ ფართობზე გამწვანების სამუშაოები ჩატარდება, მოეწყობა საფეხმავლო ბილიკები, განათების სისტემა და საპარკე სკამები დამონტაჟდება. აგრეთვე, ტერიტორიაზე განთავსებული ანბანის რესტავრაცია განხორციელდება.

მიმდინარე სამუშაოებს საბურთალოს რაიონის გამგებელი გაიოზ ვასაძე გაეცნო.

„ძალიან მნიშვნელოვანი იყო, როგორც ჩვენთვის, ასევე, დიდი დიღმის მოსახლეობისთვის აღნიშნული სივრცის დაბრუნება. მერის გადაწყვეტილებით, ტერიტორია ადგილმონაცვლეობით დაუბრუნდა ქალაქს. როგორც იცით, მცირე სავაჭრო ცენტრის აშენება იგეგმებოდა. პირველ ეტაპზე, განხორციელდა დაწყებული მშენებლობის დემონტაჟი. ახლა კი, მიმდინარეობს ტერიტორიის კეთილმოწყობა, გამწვანება და „ანბანის“ რესტავრაცია“, - განაცხადა გაიოზ ვასაძემ.

უწყების ცნობით, პროექტს ახორციელებს კომპანია „გრინსერვისი+“, რომელიც გამგეობის ბიუჯეტიდან დაფინანსებულია 288 136 ლარით.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს