მეუფე ნიკოლოზი - სუროგაციის შესახებ უმჯობესია ექიმებს ჰკითხოთ, ერთი ბავშვის დაბადებას რამდენიმე ბავშვი ემსხვერპლება ხოლმე და როგორ იქნება ბავშვი ბედნიერი?

სუროგაციით ერთი ბავშვის დაბადებას რამდენიმე ბავშვი ემსხვერპლება ხოლმე და როგორ იქნება ბავშვი ბედნიერი?“ - ამის შესახებ კუმურდოსა და ახალქალაქის მიტროპოლიტმა მეუფე ნიკოლოზმა ჟურნალისტებთან საუბრისას განაცხადა, რითაც ჟურნალისტის მიერ იუსტიციის მინისტრის თეა წულუკიანის ბრძანების შესახებ დასმულ კითხვას გამოეხმაურა.

მეუფე ნიკოლოზის თქმით, ერთი ხელოვნურად განაყოფიერებული ბავშვი რამდენიმე სხვა ბავშვის სიცოცხლის ფასად იბადება.

„სუროგაციას რაც შეეხება, ეგ უმჯობესია ექიმებს ჰკითხოთ, იმიტომ რომ ერთი ბავშვის დაბადებას რამდენიმე ბავშვი ემსხვერპლება ხოლმე და როგორ იქნება ბავშვი ბედნიერი? იცით?!

ერთი ხელოვნურად განაყოფიერებული ბავშვი არის რამდენიმე სხვა ბავშვის სიცოცხლის ფასად. კი არ ვეწინააღმდეგები, გეუბნებით რაც არის. როდესაც ხელოვნური განაყოფიერება ხდება, ერთდროულად ნაყოფიერდება რამდენიმე კვერცხუჯრედი, ეს იმას ნიშნავს, რომ უკვე დაბადებულია ბავშვი, ჩასახულია, სული მინიჭებული აქვს და მერე ის რამდენიმე სიკვდილი ერთის გადასარჩენად, ახლა ვისაც როგორ უნდა ისე გააკეთოს“, - განაცხადა მიტროპოლიტმა ნიკოლოზმა.

შეგახსენებთ, იუსტიციის მინისტმა თეა წულუკიანმა ახალ ბრძანებას მოაწერა ხელი, რომლის მიხედვითაც, უცხოელი ან შერეული ეროვნების წყვილი, რომელიც გადაწყვეტს სუროგაციის გზით ბავშვის ყოლას, ქორწინებით ან ქორწინების გარეშე ერთი წელი ერთად უნდა ცხოვრობდეს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს