„ნაციონალური მოძრაობის“ წევრის ირაკლი ნადირაძის განცხადებით, ეკონომიკური სირთულეების ფონზე, მერიას უფასო სასადილოების ბენეფიციარებისთვის „არც ერთი თეთრი არ მოუმატებია“. მისი თქმით, კიდევ ათასობით ადამიანი რჩება დახმარების გარეშე.

„გაუფასურებული ლარისა და გაძვირებული პროდუქტების ფონზე, მერიას ერც ერთი თეთრი არ მოუმატებია უფასო სასადილოების ბენეფიციარებისთვის. კიდევ ათასობით ადამიანი რჩება ამ დახმარების გარეშე. იმის ნაცვლად, რომ ისინი ამცირებდნენ ბიუროკრატიას, ამცირებდნენ თავიანთი ფუფუნების ხარჯებს, მივლინებისა და რესტორნების ხარჯებს, მათ გადაწყვეტილი აქვთ, რომ ეს ათასობით ადამიანი გაწირონ შიმშილისთვის და კიდევ რამდენიმე თვე და ალბათ, წლობით ალოდინონ ამ რიგში, რომ მათ ელემენტარული თუნდაც 1 ლარი 18 თეთრიანი ულუფა მიიტანონ თავიანთ სახლებში“, - განაცხადა ირაკლი ნადირაძემ.