კახა კალაძე - საქართველოში არასდროს დაბრუნდება ის წლები, როდესაც ადამიანები იჩაგრებოდნენ

„აჭარა და ბათუმი სამაგალითოა ტოლერანტობის, სხვადასხვა ერების და რელიგიური კუთვნილების ადამიანების მშვიდობიანი თანაცხოვრების ტრადიციით“,- ამის შესახებ „ქართული ოცნების“ გენერალურმა მდივანმა, კახა კალაძემ ბათუმის მაჟორიტარი დეპუტატობის კანდიდატს, რესან კონცელიძეს და აჭარის უმაღლესი საბჭოს მაჟორიტარი დეპუტატობის კანდიდატის, ტიტე აროშიძის წარდგენისას განაცხადა.

კახა კალაძის თქმით, „ქართულმა ოცნებამ“ ხელისუფლებაში მოსვლის დღიდან მოქალაქეებს თავისუფლების, სამართლიანობის და ღირსების განცდა დაუბრუნა.

„ბათუმი საქართველოს ერთ-ერთი ულამაზესი ქალაქია, რომელსაც ზღვა, გამწვანებული მთები, დიდებული კულტურული მემკვიდრეობა, აქ მცხოვრები ადამიანები განსაკუთრებულ კოლორიტს და ხიბლს სძენს. ბათუმელები ძალიან მშრომელი, საკუთარ კუთხესა და ქვეყანაზე შეყვარებული ადამიანები ბრძანდებით. მე, როგორც ამ ქვეყნის მოქალაქეს ძალიან მიხარია, რომ დღეს ვიმყოფები ჩვენი ქვეყნის ამ ულამაზეს ქალაქში. მინდა ბათუმიდან მივესალმო სრულიად საქართველოს.

აჭარა და ბათუმი სამაგალითოა ტოლერანტობის, სხვადასხვა ერების და რელიგიური კუთვნილების ადამიანების მშვიდობიანი თანაცხოვრების ტრადიციით, სადაც გმირი ადამიანები, დიდი საქმეებით ყოველდღიური საქმიანობით ჩვენ სამშობლოს აერთიანებდნენ და აძლიერებდნენ. ბათუმის თითოეულ მცხოვრებს - თითოულ ქრისტიანს, თითოელ მუსლიმს, თითოულ ბერძენს, ებრაელს, თუ უკრაინელს ამ ქალაქის და ამ ქვეყნის სიყვარული აერთიანებს.

არავითარი განსხვავებულობა, ამ სიყვარულზე მაღლა არასდროს დამდგარა და ვერასდროს დადგება, რადგან ჩვენ ყველა ერთნი ვართ. ჩვენ საერთო სამშობლო გვაქვს და საერთო საქმე გვაქვს გასაკეთებლი ჩვენი ქვეყნისთვის. „ქართულმა ოცნებამ“ ხელისუფლებაში მოსვლის დღიდან, ქვეყანაში სახელმწიფოებრიობის, თავისუფლების, სამართლიანობის და ღირსების განცდა დაუბრუნა მოქალაქეებს. დღეს, სახელმწიფო აღარ ცდილობს დათრგუნოს, დღეს სახელმწიფო არ ართმევს, არ ატერორებს, ეს ყველაფერი ერთიანი ძალისხმევით ჩავაბარეთ წარსულს.

საქართველოში არასდროს დაბრუნდება ის წლები, როდესაც ადამიანები იჩაგრებოდნენ. პირიქით, დღეს სახელმწიფო ზრუნავს მოქალაქეებზე და ცდილობს მათ დახმარებას. ამის უკანასკნელი მაგალითი გლობალური პანდემია და სახელმწიფოს მხრიდან პანდემიის პირობებში გატარებული პოლიტიკაა.

პანდემია, რომელიც ჩვენმა გუნდმა ეფექტურად მართა, ქვეყანას ზიანი მაქსიმალურად აარიდა, თუმცა, ეკონომიკური თვალსაზრისით, მაინც დაზარალდა ჩვენი ქვეყანა, განსაკუთრებით ტურისტული სექტორი, რომელიც ბათუმის და ბათუმელებისთვის შემოსავლის ძალიან მნიშვნელოვანი წყაროა. ამიტომ ხელისუფლებამ ტურისტული სექტორის სტიმულირება და დახმარება აქტიურად დაიწყო, რითაც ამ სფეროში დასაქმებულ ადამიანებს, მცირედით მაინც შევუმსუბუქეთ ზიანი. ჩვენ აუცილებლად გავაგრძელებთ ხალხის და ქართული ეკონომიკის გვერდში დგომას, ყველა საჭირო ღონისძიებას გავატარებთ, რაც კრიზისი მართვისთვის იქნება საჭირო“,-განაცხადა კახა კალაძემ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა