თერჯოლის მუნიციპალიტეტის სოფელ ძევრში გარდაცვლილი 11 წლის მოზარდის ოჯახის წევრებმა საპატრიარქოში შეხვედრა გამართეს. როგორც ჟურნალისტებთან გარდაცვლილი ბავშვის ბებიამ განაცხადა, საპატრიარქოს გადაწყვეტილებით, 11 წლის მოზარდისთვის წესის აგება ნებადართულია.
"ნება დამრთეს, რომ ჩემ შვილიშვილს აუგებენ წესს", -განაცხადა მოზარდის ბებიამ.
საპატრიარქო თერჯოლაში 11 წლის მოზარდისთვის წესის აგებასთან დაკავშირებით განცხადებას ავრცელებს. საპატრიარქოს მიაჩნია, რომ „ასაკიდან და გარემოებიდან გამომდინარე, მისთვის წესის აგება უნდა იყოს ნებადართული“.
შეგახსენებთ, რომ თერჯოლაში 11 წლის ბავშვი პოლიციამ ხეზე ჩამომხრჩვალი იპოვა. შვილის თვითმკვლელობამდე მიყვანის და მასზე ძალადობის ბრალდებით ბავშვის მამაა დაკავებული. დაკავებულს აღკვეთის ღონისძიების სახით პატიმრობა შეეფარდა.