მინსკში მილიციამ აქციაზე 125 ადამიანი დააკავა

ბელარუსის შინაგან საქმეთა სამინისტროს პრესმდივნის, ოლგა ჩემოდანოვას განცხადებით, მინსკში გამართული არასანქცირებული საპროტესტო აქციის დროს 125 ადამიანია დაკავებული, ძალოვანებმა აქციის დროს სპეციალური ტექნიკა გამოიყენეს.

„16:00 საათის მონაცემებით 125 ადამიანია დაკავებული, რომელთა მიმართ დაწყებულია ადმინისტრაციული პროცესი, რაც არასანქცირებულ მიტინგში მონაწილეობას უკავშირდება. შინაგან საქმეთა სამინისტროს თანამშრომელთა მიერ მიღებულია აუცილებელი ზომები, რაც საჭიროა საზოგადოებრივი წესრიგის დასამყარებლად. ამოქმედებულია სპეცტექნიკა“, - განაცხადა ჩემოდანოვამ.

დღეს, ადგილობრივი დროით 14:00 საათზე მინსკის ცენტრში დაიწყო მორიგი არასანქცირებული საპროტესტო აქცია, რომლის დაწყებიდან გარკვეული დროის შემდეგ, აქციის მონაწილეები პრეზიდენტის რეზიდენციისკენ დაიძრნენ.

პრეზიდენტის რეზიდენციის მიმდებარე ტერიტორია სამართალდამცველებს აქვთ შემოსაზღვრული. ადგილზე ჯავშანტრანსპორტიორებიც მივიდნენ. სამართალდამცველები შეკრებილებს დაშლისკენ მოუწოდებენ.

ხელისუფლების მოთხოვნით, ქვეყანაში ინტერნეტი ხარვეზებით მუშაობს.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს