1-ელ სექტემბერს, სასტუმრო „რედისონში“, ახალი პოლიტიკური მოძრაობა „სოციალური სამართლიანობისთვის“ პრეზენტაციას გამართავს.
პოლიტიკური მოძრაობის ცნობით, უფლებადამცველი მამუკა ტუსკაძე, პოლიტიკური მოძრაობის თავმჯდომარის რანგში მოძრაობის ახალ ლიდერებს წარმოადგენს.
„რეჟისორი და პროდიუსერი - ნიკოლოზ ხომასურიძე საზოგადოებას, კულტურული სფეროს ტრანსფორმაციის ამოცანებს გააცნობს.
ლევან ბოძაშვილი - პოლიტიკური მოძრაობის ლიდერის რანგში, ახალი სახელმწიფოს, ეროვნულ იდენტობაზე დამყარებულ, სუპერგანვითარებულ, „ნეოსაქართველოს“ სტრატეგიის პირველ ნაწილს წარადგენს.
მოძრაობის ლიდერები ოქტომბრის საპარლამენტო არჩევნებში პოლიტიკური მოძრაობა „სოციალური სამართლიანობისთვის“ სახელით მიიღებენ მონაწილეობას“, - ნათქვამია ინფორმაციაში.