მარინა ეზუგბაია - ინფიცირების 18 ახალი შემთხვევიდან, 7 დადასტურებულ შემთხვევასთან კონტაქტი, 11 კი შემოტანილია

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, 18 ახალი დადასტურებული შემთხვევიდან, 7 დადასტურებულ შემთხვევასთან კონტაქტის შედეგად არის ინფიცირებული, ხოლო 11 შემოტანილი შემთხვევაა, საიდანაც 2 სატვირთო ავტომანქანის მძღოლია.

მისივე თქმით, ამ ეტაპზე 220 კოვიდ ინფიცირებული პაციენტიდან კრიტიკულად მძიმე სამი პაციენტია.

„გამოჯანმრთელებულების რიცხვი გაიზარდა 19-ით, სულ არის 1240. პროცენტული მაჩვენებელი გამოჯანმრთელებულების გახლავთ 83 %. ამ მონაცემების შეჯერებით, კოვიდ ცენტრებში მკურნალობს 220 პაციენტი, საიდანაც კოვიდ ცენტრების რეანიმაციასა და ინტენსიური თერაპიის განყოფილებაში მკურნალობას გადის 3 კრიტიკულად მძიმე და 21 მძიმე პაციენტი.

უშუალოდ ჩვენს ცენტრში გუშინ იყო 18 დადასტურებული პაციენტი, გამოჯანმრთელდა 7, ახალი არ მიგვიღია და დღევანდელი მონაცემებით, გვყავს 11 დადასტურებული შემთხვევა. მათგან ჯერჯერობით კვლავ კრიტიკულად მძიმეა ერთი და არის ერთი მძიმე პაციენტი, დანარჩენის მდგომარეობა საშუალო სიმძიმისაა,“ - განაცხადა ეზუგბაიამ.

შეგახსენებთ, საქართველოში კორონავირუსის 18 ახალი შემთხვევა გამოვლინდა და ინფიცირებულთა რაოდენობა 1487 გახდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა.

გამოჯანმრთელებულების რაოდენობა კი 19-ით გაიზარდა და ამჟამად 1240-ს შეადგენს. კარანტინის რეჟიმში იმყოფება 5524 მოქალაქე, სტაციონარში მეთვალყურეობის ქვეშ – 221.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 18.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს