ლიეტუვა, ლატვია და ესტონეთი 30-მდე ბელარუს თანამდებობის პირს, მათ შორის ალექსანდრე ლუკაშენკოს, სანქციებს დაუწესებენ, - „როიტერსის“ ინფორმაციით, ამის შესახებ ლიეტუვას პრეზიდენტმა გიტანას ნაუსედამ განაცხადა.
მისივე თქმით, სანქციები პირებისთვის, რომლებსაც ბალტიისპირეთის ქვეყნები საპრეზიდენტო არჩევნების გაყალბებასა და დემონსტრანტების წინააღმდეგ ძალადობის განხორციელებაში მონაწილეობაში ადანაშაულებენ, გადაადგილების შეზღუდვას ითვალისწინებს.
„ჩვენ განვაცხადეთ, რომ გვსურდა მშვიდობიანი დიალოგი და შეთანხმება ბელარუსის რეჟიმსა და საზოგადოებას შორის, მაგრამ ვხედავთ, რომ რეჟიმი ამისთვის მზად არაა. ვხედავთ, რომ უნდა ვიმოქმედოთ და სხვა ქვეყნებს მაგალითი ვუჩვენოთ,“- აღნიშნა გიტანას ნაუსედამ.
მისივე თქმით, ბელარუსი მაღალჩინოსნების აღნიშნული სია, შესაძლოა, კიდევ უფრო გაფართოვდეს.
მედიის ინფორმაციით, სანქციების შესახებ ოფიციალურ განცხადებას სამივე ქვეყანა დღეს მოგვიანებით გააკეთებს.