„ევროპული საქართველო“ იქნება კომპასი, რომელიც აჩვენებს სწორ გზას და გამოსავალს „ქართული ოცნების“ მიერ შექმნილი პრობლემებიდან, - ამის შესახებ „ევროპული საქართველოს“ ლიდერმა დავით ბაქრაძემ განაცხადა.

მისივე თქმით, ქვეყანას და ხალხს სჭირდება გარდამტეხი ცვლილებები, რომლის გზაც ოქტომბრის საპარლამენტო არჩევნებზე გადის.

„ქვეყანას და ხალხს სჭირდება გარდამტეხი ცვლილებები, ამიტომ „ევროპული საქართველო“ უნდა იყოს როგორც კომპასი, რომელიც აჩვენებს სწორ გზას და გამოსავალს „ქართული ოცნების“ მიერ შექმნილი პრობლემებიდან, ისეთი პრობლემებიდან, როგორიცაა უმუშევრობა, სიღარიბე, გაჭირვება და კრიმინალი. „ევროპული საქართველო“ უნდა იყოს სწორედ ის გუნდი, რომელიც ქვეყანას მოუტანს გარდამტეხ ცვლილებებს, მოუტანს უკეთესობას და ეს არის სწორედ ოქტომბრის არჩევნების მთავარი ამოცანა“, - განაცხადა დავით ბაქრაძემ.

დავით ბაქრაძის კომენტარს პარტია „ევროპული საქართველოს“ პრესსამსახური ავრცელებს.