არაბთა გაერთიანებულ საამიროებში ორი აფეთქება მოხდა, რის შედეგადაც დაღუპულია 3 და დაშავებულია რამდენიმე ადამიანი, - ამის შესახებ ინფორმაციას „როიტერსი“ ავრცელებს.
სააგენტოს ცნობით, ერთი აფეთქება დედაქალაქ აბუ დაბიში მოხდა, მეორე კი ტურისტულ ჰაბ - დუბაიში.
აბუ დაბიში ინციდენტი რაშიდ ბინ საიდის ქუჩაზე მოხდა, რომელიც დედაქალაქის აეროპორტისკენ მიმავალი მთავარი გზაცაა, სადაც დღეს თელ-ავივიდან ისტორიული, პირველი პირდაპირი ავიარეისი შესრულდა და აშშ-ის პრეზიდენტის დონალდ ტრამპისა და ისრაელის პრემიერ-მინისტრის ბენიამინ ნეთანიაჰუს მთავარი თანაშემწეები აბუ დაბიში ჩავიდნენ. აფეთქების შედეგად ორი რესტორანი - KFC-ი და Hardees-ი დაზიანდა, დაიღუპა 2 და დაშავდა რამდენიმე ადამიანი.
დუბაის ერთ-ერთ რესტორანში მომხდარ აფეთქებას კი 1 ადამიანის სიცოცხლე ემსხვერპლა.
ორივე ინციდენტის მიზეზად გაზის აპარატურა სახელდება.