ირაკლი კოვზანაძე - პარლამენტის მიერ დამტკიცებული სახელმწიფო ბიუჯეტის შეცვლილი მაკროეკონომიკური პარამეტრები რეალურია

„პარლამენტის მიერ დამტკიცებული სახელმწიფო ბიუჯეტის შეცვლილი მაკროეკონომიკური პარამეტრები რეალურია. ეკონომიკის ვარდნის ტემპი, ივლისში აღარ არის ისეთი მაღალი, როგორც ეს იყო წინა პერიოდში“, - ასე გამოეხმაურა პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე საქსტატის მიერ დღეს გამოქვეყნებულ ეკონომიკური ზრდის მაჩვენებლებს.

„ივლისში საქართველოს ეკონომიკა -5.5 % შემცირდა, როგორც იცით, ბიუჯეტში ჩადებულია მშპ-ს 4 %-იანი შემცირება. ასიგნებები 15,9 მილიარდი ლარია. ბიუჯეტის დამტკიცების დროს ჩვენ მთავრობას მივეცით თანხმობა ბიუჯეტის დეფიციტი 8.5%- მდე გაზრდილიყო. თუ პანდემიის მეორე ტალღა არ გვექნა, სავარაუდოდ, წლის ბოლოს, მშპ-ს შემცირება -4%-დან -5%-ის ფარგლებში იქნება“, - აღნიშნა ირაკლი კოვზანაძემ.

საფინანსო-საბიუჯეტო კომიტეტის თავმჯდომარე ბოლო პერიოდში გამოქვეყნებულ რეიტინგებსაც გამოეხმაურა. მისი თქმით, სარეიტინგო კომპანია „S&P“, ასევე, Fitch Rating-მა ქვეყნის სუვერენული საკრედიტო რეიტინგი უცვლელი დატოვა, რაც გზავნილი ინვესტორებისთვის, რომ საქართველოში პანდემიის დაძლევის შემდეგ სწრაფი ეკონომიკური ზრდაა მოსალოდნელი.

„ეს ნიშნავს იმას, რომ ქვეყნის ეკონომიკა მაკროეკონომიკურ წონასწორობას ინარჩუნებს, რაც განპირობებულია იმ ფუნდამენტური რეფორმებით, რაც წლების განმავლობაში მთავრობამ და პარლამენტმა ერთობლივად განახორციელა. მათ შორის არის: მოგების გადავადებული გადასახადი (ე.წ. ესტონური მოდელი), დეპოზიტების დაზღვევის სისტემა, საპენსიო რეფორმა, გარდა ამისა, კანონები ფინანსური გირავნობის, ურთიერთგაქვითვის და დერივატივების შესახებ და უმნიშვნელოვანესი კანონპაკეტი, „საინვესტიციო ფონდების“ შესახებ და სხვა“,-აღნიშნა ირაკლი კოვზანაძემ.​

აღნიშნულ ინფორმაციას საქართველოს პარლამენტის პრესსამსახური ავრცელებს.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს