ანრი ოხანაშვილი - სამწუხაროა, რომ კომიტეტზე დღეს ოპოზიცია არ არის წარმოდგენილი, მათ ჰქონდათ დრო გამოეხატათ თავისი პოზიცია

მიუხედავად ამერიკის შეერთებული შტატების ელჩის, ევროკავშირის ელჩის პოზიტიური კომენტარებისა ჩვენს ინიციატივასთან დაკავშირებით როგორც „ნაციონალური მოძრაობის", ისე სხვა პარტიების წარმომადგენლები ამბობენ, რომ ეს თურმე არის არაფრისმომცემი. ძალიან სამწუხაროა, იმედია ისინი არ გეგმავენ, რომ ამ მანიპულაციას მიჰყონ ხელი და ამ ფორმით მანიპულირება მოახდინონ. ჩვენ მზად ვართ შენიშვნებისთვის და მოსაზრებებისთვის, თუკი მათ პარტიებს ექნებათ, მზად ვართ იმისთვის, რომ ვიმსჯელოთ ამ საკითხებზე, - ამის შესახებ იურიდიულ საკითხთა კომიტეტის თავმჯდომარემ ანრი ოხანაშვილმა კომიტეტის სხდომაზე „საარჩევნო კოდექსში" დაგეგმილი ცვლილებების განხილვის დაწყებამდე განაცხადა.

ანრი ოხანაშვილის განცხადებით, ოპოზიციას ჰქონდა ინფორმაცია, რომ საკითხი დაჩქარებული წესით განიხილებოდა და ჰქონდა საკმარისი დრო პოზიციის გამოსახატად, რაც მათ არ გამოიყენეს.

„თუკი პოლიტიკურ ჯგუფებს, რომლებისთვისაც ცნობილია ის ინიციატივა, რომლის ინიცირებაც მოახდინეს ჩვენმა კოლეგებმა საარჩევნო კოდექსში და სისხლის სამართლის კოდექსში ცვლილებების სახით, ექნებოდათ ინტერესი დასწრებოდნენ კომიტეტის სხდომას და გამოეთქვათ თავიანთი შენიშვნები და მოსაზრებები, ჩვენ მზად ვართ შენიშვნებისთვის და მოსაზრებებისთვის, თუკი მათ პარტიებს ექნებათ, მზად ვართ იმისთვის, რომ ვიმსჯელოთ ამ საკითხებზე. სამწუხაროა, რომ ეს ჯგუფები დღეს არ არის წარმოდგენილი. მათ იცოდნენ, რომ დაჩქარებული წესით განვიხილავთ ამ საკითხს, თუკი ისინი თვალყურს ადევნებენ კომიტეტის სხდომას და ვფიქრობ, რომ მიადევნებენ, ჰქონდათ დრო რომ გამოეხატათ თავისი პოზიცია",- განაცხადა ანრი ოხანაშვილმა.​

ინფორმაციას საქართველოს პარლამენტის პრესსამსახური ავრცელებს.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს