რუსულმა სამხედრო თვითმფრინავმა ნატოს საჰაერო სივრცე დაარღვია, როდესაც ის პარასკევს დანიის კუნძულ ბორნჰოლმთან ახლოს აშშ-ის საჰაერო ძალების B-52 ტიპის ბომბდამშენისთვის გზის გადაჭრას შეეცადა, - ამის შესახებ ალიანსის განცხადებაშია ნათქვამი.
ნატო აღნიშნულ ინციდენტს "საერთაშორისო სამართლის მნიშვნელოვან დარღვევად" აფასებს.
„რუსული სუ -27, რომელიც კალინინგრადიდან მოფრინავდა, B-52- ს დანიის საჰაერო სივრცემდე შეჰყვა, რითაც ნატოს საჰაერო სივრცე მნიშვნელოვნად დაარღვია”, - ნათქვამია ნატოს საჰაერო სარდლობის განცხადებაში.
რუსული მედიის ინფორმაციით, ქვეყნის თავდაცვის უწყება ალიანსის ბრალდებას უარყოფს და აცხადებს, რომ სუ -27-ს დანიის საჰაერო სივრცე არ დაურღვევია და ის მხოლოდ ბალტიის ზღვის ნეიტრალური წყლების თავზე დაფრინავდა.