ირაკლი კობახიძე - „პატრიოტთა ალიანსი" და „ნაციონალური მოძრაობა" ერთი ბნელი მედლის ორი მხარეა

პარტია „ქართული ოცნება - დემოკრატიული საქართველოს" აღმასრულებელი მდივნის ირაკლი კობახიძის განცხადებით, არჩევნების შემდეგ მმართველი გუნდი სრულად გამორიცხავს ნებისმიერ პარტიასთან კოალიციის შექმნას. როგორც კობახიძემ პრესკონფერენციაზე განაცხადა, „პატრიოტთა ალიანსი" და „ნაციონალური მოძრაობა" არიან „ერთი ბნელი მედლის ორი მხარე“ და ერთად აკეთებენ წლების მანძილზე რუსულ საქმეს საქართველოში.

„კოალიცია ჩვენ არ დაგვჭირდება. ასეთია დღევანდელი სურათი. დარწმუნებული ვართ, საზოგადოების მხარდაჭერის საფუძველზე ჩვენ ავიღებთ ბევრად მეტს, ვიდრე 50 პროცენტია. შესაბამისად, ჩამოვაყალიბებთ სტაბილურ საპარლამენტო უმრავლესობას. ჩვენ გამოვრიცხავთ ნებისმიერ კოალიციას როგორც „ნაცმოძრაობასთან" და მის სატელიტებთან, როგორიც არის „ევროპული საქართველო", „ლეიბორისტები", „გირჩი" და ა.შ. ასევე, „პატრიოტთა ალიანსთან", ბურჯანაძესთან და პრორუსულ პარტიებთან, რომლებიც დღეს არიან ამ ე.წ პროდასავლური პარტიების ძალიან მყარი პარტნიორები.

ძალიან დიდ შუაშია ერთმანეთთან „პატრიოტთა ალიანსი" და „ნაციონალური მოძრაობა". ისინი არიან ერთი ბნელი მედლის ორი მხარე. ისინი ერთად აკეთებენ წლების მანძილზე რუსულ საქმეს საქართველოში და ეს არის მათთვის საერთო, სწორედ ამის გამო სხედან ისინი ერთ მაგიდასთან. ვგულისხმობ „ნაცმოძრაობას", მის სატელიტებს, „პატრიოტთა ალიანსს" და ბურჯანაძეს. ისინი გაერთიანებულები არიან რუსული საქმის გარშემო",- განაცხადა კობახიძემ.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
ქართული პრესის მიმოხილვა 25.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა