ადვოკატი - პოლიციელი, რომელიც ლისის ტბაზე ბავშვს დაეჯახა, ფსიქოლოგიურად ცუდ მდგომარეობაშია და სასამართლოსთვის რაიმე შეღავათის მიღების მოთხოვნას არ აპირებს

სამართალდამცავი ირაკლი ცომაია, რომელიც ლისის გზაზე პატრულის ავტომანქანით ქვეითად მოსიარულე 12 წლის ბავშვს დაეჯახა, აცხადებს, რომ ბავშვი გვიან დაინახა.

როგორც „ინტერპრესნიუსთან“ საუბარში ცომაიას ადვოკატი, გიორგი ყავლაშვილი აღნიშნავს, პოლიციელი ფსიქოლოგიურად ცუდ მდგომარეობაშია და ის სასამართლოში რაიმე შეღავათის მიღების მოთხოვნას არ აპირებს.

„გარდა იმისა, რომ მომხდარ ტრაგედიას ძალიან განიცდის და ცუდად არის, სხვა პოზიცია არ გააჩნია. როცა დავინახე, უკვე გვიანი იყო და დავეჯახეო, ამბობს - მეტს არაფერს. გადაჭარბებული სიჩქარით არ მიდიოდა, ყოველ შემთხვევაში, თვითონ ასე ახსოვს... იმ მომენტში ბავშვი მარტო იყო, მერე უკვე ძალიან მალე მშობლებმაც მოაკითხეს, როგორც ჩანს, ერთად იყვნენ, უბრალოდ, მშობლებს გამოასწრო. ყველა დეტალი ჩვენც არ ვიცით ჯერ. იმ წუთას ამ დეტალების გასარკვევად არავის ეცალა.

სასამართლოში რა პოზიცია ექნება არ ვიცი, მაგრამ შემიძლია გითხრათ, რომ ნამდვილად არ არის იმ ვითარებაში, რომ რაღაც საშეღავათო გადაწყვეტილებები ეძებოს, ამის ხასიათზე ნადვილად არ არის“, - აცხადებს ყავლაშვილი.

ირაკლი ცომაიას ბრალს ოფიციალურად დღეს წაუყენებენ.

ცნობისთვის, შემთხვევა 30 აგვისტოს, დაახლოებით 23:00 საათზე მოხდა, რა დროსაც, ლისის გზაზე მოძრავი საპატრულო პოლიციის ავტომანქანა, ქვეითად მოსიარულე 2008 წელს დაბადებულ მ.გ.-ს შეეჯახა, რომელიც ჟვანიას სახელობის საავადმყოფოში გადაყვანის შემდეგ გარდაიცვალა.

პროკურატურამ ლისის გზაზე მომხდარი ავტოსაგზაო შემთხვევის ფაქტზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც გულისხმობს ტრანსპორტის მოძრაობის უსაფრთხოების წესის დარღვევას, რამაც ადამიანის სიცოცხლის მოსპობა გამოიწვია.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს