ევექსი ჰოსპიტლების ახალი კამპანია - ჯანმრთელობის კალენდარი 1-ელი სექტემბრიდან დაიწყება და მოსახლეობის საჭიროებებზე მორგებულ სამედიცინო სერვისებზე ხელმისაწვდომობის გაზრდას უზრუნველყოფს. ამის შესახებ „ინტერპრესნიუსს“ „ევექსიდან“ აცნობეს.

მათი ინფორმაციით, ახალი კამპანია მომხმარებლებს შესაძლებლობას მისცემს მათთვის საჭირო პროფილის წამყვან სპეციალისტებთან ვიზიტი უფასოდ დაგეგმონ, ხოლო ამბულატორიულ-დიაგნოსტიკურ კვლევებზე მნიშვნელოვანი ფასდაკლება მიიღონ.

„ჯანმრთელობის კალენდარი ყოველთვიურად განახლდება და „ევექსი ჰოსპიტლების“ სამედიცინო ცენტრები ქვეყნის ექვსი რეგიონის მოსახელობას კვირის განსაზღვრულ დღეებში სხვადასხვა ბენეფიტს შესთავაზებენ.

ყოველი თვის დასაწყისში ჯანმრთელობის კალენდარში შემავალ ბენეფიტებზე დეტალური ინფორმაცია www.sheniprograma.ge - ზე განთავსდება, ხოლო სასურველი სერვისის მისაღებად მომხმარებელს შესაძლებლობა ექნება, ჩაეწეროს სატელეფონო ცენტრის მეშვეობით 2 600 600.

ეს არის „ევექსი ჰოსპიტლების“ მიერ ინიცირებული „სამედიცინო მხარდაჭერის პროგრამის“ მესამე ეტაპი, რომელიც კომპანიამ ქვეყანაში კორონა ვირუსის პანდემიით შექმნილი მდგომარეობის ფონზე მოსახლეობის მხარდასაჭერად შეიმუშავა.

„ევექსი ჰოსპიტლები“ განაგრძობს სამედიცინო მხარდაჭერის პროგრამაზე მუშაობას და მომხმარებლებს მათ საჭიროებაზე მორგებულ კიდევ ბევრ სამედიცინო სარგებელს ეტაპობრივად შესთავაზებს“, - ნათვამია გავრცელებულ ინფორმაციაში.