ვენესუელის დე ფაქტო პრეზიდენტი ნიკოლას მადურო აცხადებს, რომ აშშ-ის პრეზიდენტმა დონალდ ტრამპმა მისი ლიკვიდაციის გეგმა დაამტკიცა და აამოქმედა.
„აშშ-მ ჯილდოდ 15 მილიონი დოლარი დააწესა. დონალდ ტრამპმა ჩემი მოკვლა გადაწყვიტა და აამოქმედა. არ ვაჭარბებ. ახლა ჩემს მოსაკლავად ვენესუელაში სნაიპერების ჯგუფის დაქირავებას ცდილობენ. დონალდ ტრამპმა გადაწყვიტა ასე, მას ეთიკა არ გააჩნია“, - აღნიშნა მადურომ.
26 მარტს აშშ-ის იუსტიციის დეპარტამენტმა ვენესუელის ე.წ. პრეზიდენტს ნიკოლას მადურო და ქვეყნის სხვა მაღალი თანამდებობის პირები ნარკოტერორიზმში დაადანაშაულა. აშშ-ის სახელმწიფო დეპარტამენტმა მადუროს დაკავებისთვის საჭირო ინფორმაციის მიწოდების სანაცვლოდ 15 მილიონი აშშ დოლარის ოდენობის ფულადი ჯილდო დააწესა.