გია ხუხაშვილი - დღევანდელი გადმოსახედიდან, ხელისუფლების პოზიცია საკმაოდ ძლიერად გამოიყურება, რადგან ოპოზიცია ახალს ვერაფერს სთავაზობს ამომრჩეველს

დღევანდელი გადმოსახედიდან, ხელისუფლების პოზიცია საკმაოდ ძლიერად გამოიყურება არამხოლოდ იმიტომ, რომ ამომრჩევლისთვის კრიზის მენეჯმენტი არის ერთ-ერთ მთავარი თემა, არამედ იმიტომაც, რომ ოპოზიცია ვერაფერს ახალს ვერ სთავაზობს ამომრჩეველს, - ამის შესახებ ექსპერტმა გია ხუხაშვილმა „პალიტრანიუსის“ გადაცემაში „ნიუსრუმი“ განაცხადა.

ხუხაშვილის თქმით, ამომრჩეველი ძირითად პარტიებზე უკვე გადანაწილებულია.

„კამპანია ზოგადად ტარდება გადაუწყვეტელი ამომრჩევლის მოსაზიდად. გადაუწყვეტელი ამომრჩეველი სტატისტიკურად ფიქრობს, რომ მას არ უნდა წარსული „ნაციონალური მოძრაობის“ სახით, არ უნდა აწმყო „ქართული ოცნების“ სახით და ეძებს მომავლის არჩევანს, არდაზიანებული პოლიტიკური ძალის ძიებაშია და ვერ პოულობს მას. პოლიტიკური ბაზარი ვერ აკეთებს სრულფასოვან შეთავაზებას და ასეთი დაქსასული სიტუაციაა. ეს ხდება იმის ფონზე, რომ რესურსები მონოპოლიზებულია წარსულსა და აწმყოს შორის ანუ „ნაციონალურ მოძრაობასა“ და „ქართულ ოცნებას“ შორის. აქ ვგულისხმობ არამხოლოდ მატერიალურ, არამედ მედიარესურსსაც, ანუ პროპაგანდას. ეს ალტერნატიული პოლიტიკური ცენტრები კი ამ ორპოლუსიანი ნარატივის გარღვევას ვერ ახერხებენ“, - განაცხადა ხუხაშვილმა.

შეკითხვაზე, თუ როგორ აფასებს იმ ფაქტს, რომ რეგიონებში ოპოზიციური პარტიები უფრო ლიდერობენ, ხუხაშვილმა განაცხადა, რომ აღნიშნული განპირობებულია რეგიონებში არსებული სოციალური რისკებით.

„თბილისში ასეა თუ ისე, რაღაც მოძრაობები არის. პირადი ავტორიტეტი აქვს ქალაქის მერს და ესეც ეხმარება. ეს აქტიური „ანტიმიშა“ თბილისშია კონცენტრირებული. მე ვერ ვიტყოდი, რომ თბილისში „ქართულ ოცნებას“ უკეთესი პოზიციები აქვს, უბრალოდ თბილისში ალტერნატიული პოლიტიკური ცენტრების ელემენტები უფრო მეტადაა და პოლიტიკური გემოვნების უფრო ფართო სპექტრია. „ქართული ოცნება“ ბევრად წინ არის „ნაციონალურ მოძრაობაზე“ თბილისში, მაგრამ ეს არ ნიშნავს იმას, რომ „ქართულ ოცნებას“ თბილისში კრიტიკული უპირატესობა აქვს“, - განაცხადა ხუხაშვილმა.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო