ბულგარეთის დედაქალაქ სოფიაში ათასობით მოქალაქემ პარლამენტის შენობის წინ საპროტესტო აქცია გამართა და პრემიერ - მინისტრ ბოიკო ბორისოვის გადადგომა მოითხოვა.

აქციაზე დემონსტრანტებსა და პოლიციელებს შორის დაპირისპირება მოხდა, რა დროსაც სამართალდამცველებმა ცრემლსადენი გაზი გამოიყენეს და რამდენიმე ადამიანი დააკავეს.

აქციის მონაწილეები სკანდირებდნენ: „გადადექი“ და პოლიციის კორდონის გარღვევას რამდენჯერმე შეეცადნენ. აქციის პარალელურად პარლამენტში საზაფხულო შესვენების შემდეგ პირველი სხდომა მიმდინარეობდა. აქციის მონაწილეები ბოიკო ბორისოვს ადანაშაულებენ, რომ ვერ უმკლავდება კორუფციას, რაც ძირს უთხრის კანონის უზენაესობას და სარგებელს აძლევს ოლიგარქებს.