ლევან დავითაშვილი - 2012 წლის შემდეგ ღვინის წარმოება და ექსპორტი 5-ჯერ გაზრდილია, რაც ჩვენი თანმიმდევრული პოლიტიკის შედეგია

2012 წელს, გვქონდა, დაახლოებით, 20 მლნ ბოთლი ღვინის ექსპორტი, დღეს გვაქვს, დაახლოებით, 100 მლნ ბოთლის ანუ 5-ჯერ გაზრდილი რაოდენობაში ,- ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა განაცხადა.

როგორც მან აღნიშნა, საქართველოდან ღვინის ექსპორტი შემცირებულია მცირედით რაოდენობაში, მაგრამ უფრო დიდად თანხაში.

„საქართველოში წარმოებული ღვინის დიდი ნაწილი, 80%-ზე მეტი, ექსპორტზე გადის. ზოგადად, საქართველოში აქცენტები კეთდება საექსპორტო პროდუქტებზე, რადგან პატარა ქვეყანა ვართ და მცირე შიდა ბაზარი გვაქვს. გარდა ამისა, შიდა ბაზარზე ტურისტული ნაკადების შემცირებამ იმოქმედა და ღვინის კომპანიებისთვის მდგომარეობა გაართულა. ექსპორტი შემცირებულია მცირედით რაოდენობაში, მაგრამ უფრო დიდად თანხაში. შემცირებული შემოსავლების პირობებში, შემცირებული იყო ღვინის კომპანიების მსყიდველობითი უნარი და თუ არა ის მასტიმულირებელი მექანიზმები, რომლებიც ჩვენ შევქმენით და თანხის განაწილება, რომელიც, ერთი მხრივ, გულისხმობდა სუბსიდირებას და, მეორე მხრივ, კომპანიებისთვის იაფი ფინანსური საბრუნავი საშუალებების გაჩენას, რთველი იქნებოდა პრობლემატური“,- აღნიშნა მინისტრმა.

მისი თქმით, გაგრძელდება მუშაობა საექსპორტო ბაზრების ზრდის და გაფართოების კუთხით.

„ჩვენ, გავაკეთეთ ყველაფერი იმისთვის, რომ წლევანდელი რთველი ჩავატაროთ წარმატებით და ფერმერების შრომა დაფასდეს. მომავალ წლებში, რა თქმა უნდა, გავაგრძელებთ თანმიმდევრულ მუშაობას, რომელიც მიდიოდა საექსპორტო ბაზრების ზრდის და გაფართოების კუთხით. ჩვენ, 2012 წელს, გვქონდა, დაახლოებით, 20 მლნ ბოთლი ღვინის ექსპორტი, დღეს გვაქვს, დაახლოებით, 100 მლნ ბოთლის ანუ 5-ჯერ გაზრდილი რაოდენობაში. ასევე, მინიმუმ, 5-ჯერ არის გაზრდილი ინდუსტრია, გაზრდილია გადამმუშავებელი სიმძლავრეებიც, რომლებიც სახელმწიფოს მხრიდან იყო თანადაფინანსებული. დღეს, დაახლოებით, 300 000 ტონა ყურძნის დაბინავებაზე ვსაუბრობთ, როდესაც ინდუსტრიულად 50 000 ტონა ყურძენი მუშავდებოდა. ეს რიცხვები ნათლად მეტყველებს, რომ ჩვენი პოლიტიკა თანმიმდევრულია “, - განაცხადა ლევან დავითაშვილმა.

აღნიშნულ ინფორმაციას გარემოს დაცვისა და სოფლის მეურნეობის სამინისტრო ავრცელებს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)