ამერიკის შეერთებულმა შტატებმა პროკურორ ფატუ ბენსუდას სანქციები დაუწესა

შეერთებულმა შტატებმა სისხლის სამართლის საერთაშორისო სასამართლოს პროკურორს ფატუ ბენსუდას სანქციები დაუწესა მის მიერ წარმოებული გამოძიების გამო საკითხზე - ჩაიდინა თუ არა ამერიკის შეიარაღებულმა ძალებმა ავღანეთში ომის დანაშაული. ამის შესახებ აშშ-ის სახელმწიფო მდივანმა მაიკ პომპეომ განაცხადა.

მისივე ინფორმაციით, პრეზიდენტ დონალდ ტრამპის მიერ გამოცემული სანქციების შავ სიაში მოხვდა სისხლის სამართლის საერთაშორისო სასამართლოს პროკურორის ოფისის იურისდიქციის, კომპლემენტარულობისა და თანამშრომლობის განყოფილების დირექტორი ფაკისო მოჩოჩოკოც.

„დღეს ჩვენ ვდგამთ შემდგომ ნაბიჯებს, რადგან სამწუხაროდ სისხლის სამართლის საერთაშორისო სასამართლო აგრძელებს ამერიკელების დევნას“, - განაცხადა პომპეომ.

მისივე ინფორმაციით, სანქციები ანგარიშების გაყინვასა და აშშ-ში მოგზაურობაზე აკრძალვას ითვალისწინებს.

პომპეოს თქმით, ცალკეული პირები და დაწესებულებები, რომლებიც აგრძელებენ ბენსუდას და მოჩოჩოკოს ფინანსურ მხარდაჭერას, ასევე დგანან სანქციების რისკის ქვეშ.

მარტში სასამართლომ ბენსუდას ნება დართო გამოიძიოს ადგილი ჰქონდა თუ არა ავღანეთში ომის დანაშაულს თალიბანის, ავღანელი სამხედროებისა და აშშ-ის შეიარაღებული ძალების მხრიდან.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო