ბრაზილიაში, ბოლო 24 საათში, კორონავირუსის 46 934 ახალი შემთხვევა დადასტურდა და ინფიცირებულთა საერთო რაოდენობა 3 997 865-მდე გაიზარდა, - შესაბამის მონაცემებს ქვეყნის ჯანდაცვის სამინისტრო ავრცელებს.
ამავე მონაცემების თანახმად, ბრაზილიაში "კოვიდ 19"-ს კიდევ 1 184 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 123 780-ს მიაღწია.
აღსანიშნავია, რომ ბრაზილიაში, გასული კვირის განმავლობაში კორონავირუსით დაღუპულთა რაოდენობა წინა კვირასთან შედარებით 11%-ით შემცირდა.
ცნობისათვის, როგორც კოვიდინფიცირებულების, ასევე ვირუსით დაღუპულთა რაოდენობით ბრაზილია მეორე ადგილზეა მსოფლიოში აშშ-ის შემდეგ.