რომან გოცირიძე - თუ ვინმეს ჰგონია, რომ „ოცნებას“ გონება გაუნათდება და არ დაიწყებს მოსყიდვას, მუქარას და ადმინისტრაციული რესურსის გამოყენებას, ცდება

ფრაქცია „ნაციონალური მოძრაობის" თავმჯდომარე რომან გოცირიძე აცხადებს, რომ ის, რაც „საარჩევნო კოდექსში“ ცვლილებებით „ქართულმა ოცნებამ" წარმოადგინა, უკვე ასახულია კანონმდებლობაში. მისი თქმით, ხდება მხოლოდ გამკაცრება, რაც დარღვევების პრევენციას ვერ უზრუნველყოფს. აღნიშნულის შესახებ გოცირიძემ იურიდიულ საკითხთა კომიტეტის დაწყებამდე ჟურნალისტებთან ისაუბრა, სადაც კანონპროექტს განიხილავენ.

„ის, რაც წარმოდგენილია „ქართული ოცნების“ მიერ, უკვე ასახულია საქართველოს კანონმდებლობაში. ერთადერთი სიახლე არის ის, რომ ხდება არსებული ნორმების გამკაცრება და ამ მუხლში ემატება ისეთი სახის დაშინება, ზემოქმედება და მუქარა, რაც დაკავშირებულია საარჩევნო პროცესთან, მაგრამ ეს არაფერს ცვლის. კი ბატონო, ჩავწეროთ, მაგრამ არაფერი იცვლება ამით.

თუ ვინმეს ჰგონია, რომ ერთი წლის ნაცვლად ჩაწერ ორს, ორის ნაცვლად სამს და გონება გაუნათდება „ქართულ ოცნებას“ და არ დაიწყებს მოსყიდვას, დაშინებას, მუქარას და ადმინისტრაციული რესურსის გამოყენებას, ცდება. ჩვენ გვაქვს წარმოდგენილი რეალური ცვლილებები ალტერნატივის სახით და ეს იქნება დაყენებული. ეს ეხება რამდენიმე მნიშვნელოვან საკითხს, ეს ეხება მუქარის და დაშინების თავის არიდების მექანიზმებს. ასევე, ეხება საარჩევნო კომისიებში პარტიების მონაწილეობას უფრო სამართლიანი პრინციპებით. აბა ვნახოთ, ამ სატყუარა კანონპროექტს მიიღებს პარლამენტი თუ გათვალისწინებული იქნება ჩვენი შენიშვნები. ნუ გვატყუებენ, რომ რაღაც სიახლეს გვთავაზობენ“, - განაცხადა გოცირიძემ.

შეგახსენებთ, გუშინ პარლამენტმა „საარჩევნო კოდექსში“ შესატანი ცვლილებები პირველი მოსმენით მიიღო. კანონპროექტის თანახმად, ამომრჩევლის ნებაზე არამართლზომიერი ზეგავლენის მოხდენა მოსყიდვის, დაშინების, მუქარის გზით, სისხლისსამართლებრივად დასჯადია და ითვალისწინებს ჯარიმას, შინაპატიმრობას ვადით 6 თვიდან 2 წლამდე ან 3 წლამდე თავისუფლების აღკვეთას.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს