რუსეთში, როსტოვის რეგიონში ტყის ხანძრის შედეგად 1 ადამიანი დაიღუპა, 46 კი დაშავდა, - რუსული მედიის ინფორმაციით, ამის შესახებ რეგიონის გუბერნატორი ვასილი გოლუბევი სოციალურ ქსელ VKontakte-ში წერს.
„წინასწარი ინფორმაციით, 32 ადამიანი კრასნოსულნიკსის რაიონში, 14 კი- კამენსკის რაიონში დაშავდა,“- წერს გუბერნატორი.
მისივე თქმით, კრასნოსულნიკსის რაიონში ხანძარს ერთი ადამიანის სიცოცხლე ემსხვერპლა.
ცნობისათვის, როსტოვის რეგიონის ოთხ რაიონში -ბელოკალიტვინსკიში, ტარასოვსკიში, კამენსკისა და კრასნოსულნიკსში- ტყის ხანძარი გუშინ გაჩნდა. ყველაზე საგანგაშო მდგომარეობა ტარასოვსკის რაიონშია, სადაც 700 ჰექტარი ტყის ფართობი იწვის. რაიონში ცეცხლის ალმა 64 შენობა დააზიანა. ხანძრის სავარაუდო მიზეზად მოკლე ჩართვა სახელდება.