სერგი კაპანაძე - კოალიციურ მთავრობაში, „ევროპულ საქართველოს“ ცენტრალური როლი ექნება

„ევროპული საქართველოს“ ამოცანაა, რომ ამ ქვეყანაში მოხდეს ცვლილებები და ეს ხელისუფლება, რომელიც არასწორი მიმართულებით მიაქანებს ქვეყანას, იყოს შეცვლილი, - ამის შესახებ

„ევროპული საქართველოს“ საარჩევნო შტაბის ხელმძღვანელმა, სერგი კაპანაძემ განაცხადა.

კაპანაძე ოპოზიციური პარტიების მაჟორიტარ კანდიდატებსა და კოალიციური მთავრობის პრემიერობის კანდიდატის საკითხს ეხმაურება. სერგი კაპანაძის თქმით, სწორედ მათი ინიციატივა იყო საერთო ოპოზიციური კანდიდატების დაყენება რეგიონებში, თუმცა, ეს არ მოხდა.

სერგი კაპანაძემ ასევე პრემიერობის სავარაუდო კანდიდატზეც გააკეთა განმარტება. ის მიიჩნევს, რომ ყველა პარტიას შეუძლია დააყენოს კანდიდატი, თუმცა არჩევნებისა და ბიძინა ივანიშვილის დამარცხების შემდეგ, ყველა პარტიას მოუწევს კომპრომისულ კანდიდატზე შეთანხმება.

„ევროპული საქართველოს“ ამოცანაა, რომ ამ ქვეყანაში მოხდეს ცვლილებები და ეს ხელისუფლება, რომელიც არასწორი მიმართულებით მიაქანებს ქვეყანას, იყოს შეცვლილი. ჩვენ ყველაფერი ვცადეთ იმისათვის, რომ რეგიონებში ყოფილიყო საერთო მაჟორიტარი კანდიდატები, თუმცა, კონკრეტული პარტიის გამო ეს არ მოხდა და ჩვენ უკან აღარ დავბრუნდებით. ჩვენ ყველგან დავაყენეთ ჩვენი, ძალიან ძლიერი კანდიდატები, რომელთაც კონკრეტული ხედვა გააჩნიათ, თუ როგორ უნდა შეიცვალოს ეკონომიკა, რეგიონების ცხოვრება უკეთესობისაკენ, და ჩვენ ვიქნებით კომპასი ამ გარდამტეხი ცვლილებების. ეს მაჟორიტარები იქნებიან ძლიერი კანდიდატები, რომლებიც იბრძოლებენ გამარჯვებისათვის, ან მეორე ტურში გასვლისთვის.

რაც შეეხება პრემიერობის კანდიდატებს, ყველა პოლიტიკურ პარტიას ეყოლება თავისი კანდიდატი, ხოლო საბოლოოდ არჩევნებისა და ბიძინა ივანიშვილის დამარცხების შემდეგ, უნდა შეირჩეს ის კანდიდატი, რომელიც იქნება კომპრომისული ყველასათვის. კოალიციურ მთავრობაში, „ევროპულ საქართველოს“ ექნება ცენტრალური როლი, რადგან სწორედ ჩვენ გვაქვს კონკრეტული გეგმა და ვართ კომპასი, თუ როგორ უნდა მოხდეს გარდამტეხი ცვლილებები“, - განაცხადა სერგი კაპანაძემ, რომლის კომენტარს „ევროპული საქართველოს“ პრესსამსახური ავრცელებს.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო