გერმანიის განცხადებას ალექსეი ნავალნის მოწამვლის შესახებ ნატო-ს ყოფილი და მოქმედი გენერალური მდივნები ეხმაურებიან

გერმანიის მთავრობის განცხადებას რუსი ოპოზიციონერი პოლიტიკოსის ალექსეი ნავალნის „ნოვიჩოკის“ მსგავსი ნერვული აგენტით მოწამვლის შესახებ ნატო-ს ყოფილი და მოქმედი გენერალური მდივნები ეხმაურებიან.

„გერმანიამ განაცხადა, რომ ალექსეი ნავალნი „ნოვიჩოკით“ თავდასხმის მსხვერპლია. უკიდურესად ვგმობ სამხედრო ხარისხის ნერვული აგენტის გამოყენებას, რომელიც კიდევ უფრო გადაუდებელს ხდის რუსეთის მიერ სრული და გამჭვირვალე გამოძიების ჩატარებას. ჩვენ კონსულტაციას გავივლით გერმანიასა და ნატო-ს ყველა მოკავშირესთან შესაძლო შედეგებთან დაკავშირებით“, – წერს ნატო-ს გენერალური მდივანი იენს სტოლტენბერგი სოციალურ ქსელ „ტვიტერში“.

ნატო-ს ყოფილი გენერალური მდივანი ანდერს ფოგ რასმუსენი კი აცხადებს, რომ გერმანია ნავალნის საშინელი მოწამვლის საპასუხოდ ევროპისგან და ნატო-სგან სოლიდარობას ითხოვს.

„გერმანია ნავალნის მოწამვლის საზიზღარი ფაქტის საპასუხოდ, ევროპისგან და ნატო-სგან სოლიდარობას ითხოვს. ისინი ამას მიიღებენ, თუმცა პუტინისგან გულწრფელი პასუხი ნაკლებსავარაუდოა. მოვიდა დრო, რომ გერმანიამ შეწყვიტოს „ჩრდილოეთ ნაკადი-2-ის“ მშენებლობა, სანამ ჯერ კიდევ გვიანი არ არის“, – წერს რასმუსენი.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა