ირაკლი კობახიძე - „საარჩევნო კოდექსში" ცვლილებების თაობაზე მმართველი გუნდის კანონპროექტი რაციონალურია, ოპოზიციის ინიციატივა კი ირაციონალური

"ქართული ოცნების" ერთ-ერთი ლიდერის ირაკლი კობახიძის განცხადებით, „საარჩევნო კოდექსში" ცვლილებების თაობაზე მმართველი გუნდის კანონპროექტი რაციონალურია, ოპოზიციის ინიციატივა კი ირაციონალური.

როგორც კობახიძემ ჟურნალისტებს განუცხადა, "საარჩევნო კოდექსში" ცვლილებებს პრევენციული ეფექტი ექნება.

„ადამიანები დაინახავენ, რომ გამკაცრებულია რეგულაცია, მათ შორის სანქციის ნაწილში. ამას, ბუნებრივია, ექნება სერიოზული პრევენციული ეფექტი. აქ რაზე ვსაუბრობთ, არც ვიცი. დანარჩენი არის სპეკულაციები ოპიზიციის მხრიდან. როდესაც მკაცრდება დისპოზიცია და მკაცრდება სანქცია, ამას აქვს პრევენციული ეფექტი. ამ კანონს ექნება ძალიან მნიშვნელოვანი ცვლილების ეფექტი",- განაცხადა კობახიძემ.

ცნობისთვის, პარლამენტში განიხილავენ "საარჩევნო კოდექსში" შესატან ცვლილებებს, რომლის მიხედვითაც არჩევნების შედეგებზე არამართლზომიერი გავლენის მოხდენა ჯარიმით, 6 თვიდან 2 წლამდე შინაპატიმრობით ან 3 წლამდე თავისუფლების აღკვეთით დაისჯება.

"საარჩევნო კოდექსში" ცვლილებებთან დაკავშირებით ალტერნატიული ინციატივა ჰქონდა "ნაციონალურმა მოძრაობასაც", თუმცა მათ კანონპროექტებს იურიდიულ საკითხთა კომიტეტმა მხარი არ დაუჭირა. კანონპროექტის ძირითადი არსი მდგომარეობს იმაში, რომ დეტალურად გაიწეროს და დაკონკრეტდეს ისეთი ჩანაწერები, როგორიცაა: არჩევნების ფარულობის დარღვევა და შესაბამისი სანქცია.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა