ნათია თურნავა - დღეს ჩვენ ვართ ენერგეტიკულად უფრო დამოუკიდებლები და ყველა მეზობელი ქვეყნიდან შეგვიძლია იმპორტი, განსხვავებით 2012 წლისგან

ჩვენი მთავრობის მიერ გატარებული ენერგეტიკული რეფორმის წყალობით, მოვახერხეთ, რომ ყველა მეზობელი ქვეყნიდან შეგვიძლია იმპორტის განხორციელება და არცერთი ქვეყანა არ არის დომინანტი, განსაკუთრებით ჩვენი ჩრდილოელი მეზობელი, განსხვავებით 2012 წლის ვითარებისგან, როდესაც ჩვენი ელექტროენერგიის 90 პროცენტის იმპორტი რუსეთიდან მოდიოდა და ამ მხრივ, ქვეყანა დამოკიდებული იყო რუსეთზე, - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის სხდომის დასრულების შემდეგ აზერბაიჯანიდან ელექტროენერგიის იმპორტის შუამავალი კომპანიის მეშვეობით განხორციელების შესახებ დასმული კითხვის საპასუხოდ განაცხადა.

ეკონომიკის მინისტრის თქმით, ენერგეტიკულად დღეს ვართ უფრო მეტად დამოუკიდებელი, რადგან გვაქვს არჩევანი სხვადასხვა ქვეყანას შორის, მათ შორის სწორედ აზერბაიჯანიდან იმპორტი ძალიან მნიშვნელოვან როლს ასრულებს, როგორც ალტერნატივა.

„ამავდროულად, ჩვენ ვახორციელებთ იმპორტს თურქეთიდან, იგივე რუსეთიდან და საჭიროების შემთხვევაში, სომხეთიდან - ეს არის ჩვენი არჩევანი და ამით ვამაყობთ. თითოეულ კონკრეტულ მომენტსა და პერიოდში ვხელმძღვანელობთ ძირითადი პრინციპით, თუ რა სჭირდება ჩვენს ენერგეტიკულ სისტემას უსაფრთხოებისთვის, ჩვენს მოსახლეობას იმისთვის, რომ ხელისაწვდომი ტარიფები შევინარჩუნოთ. ამით ჩვენ ვართ ენერგეტიკულად უფრო დამოუკიდებლები და იმპორტის ღირბულებაც, წლების მანძილზე მცირდება“, - განაცხადა ნათია თურნავამ.

აღნიშნულ კომენტარს ეკონომიკის სამინისტრო ავრცელებს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა