ირაკლი კობახიძე - გიორგი კანდელაკი თვითონ არის დისკრიმინაციული მოვლენა

გიორგი კანდელაკი თვითონ არის დისკრიმინაციული მოვლენა როგორც ასეთი, - ასე გამოეხმაურა „ქართული ოცნების” აღმასრულებელი მდივანი, ირაკლი კობახიძე „ევროპული საქართველოს” წევრის, გიორგი კანდელაკის განცხადებას იმასთან დაკავშირებით, რომ კარანტინის რეჟიმი დისკრიმინაციულია.

ოპონენტების შეფასებებს, რომ მმართველ გუნდს ფრენების აღდგენა არ სურს, რათა ემიგრანტები საქართველოში არ დაბრუნდნენ, კობახიძე სისულელეს უწოდებს.

„ძალიან ბევრი სისულელე მოვისმინეთ მთელი ამ პერიოდის განმავლობაში, მარტიდან მოყოლებული. როდესაც ხელისუფლება იბრძოდა კოვიდ-ის წინააღმდეგ, ვისმენდით მუდმივად ასეთ სისულელეებს. ეს არის მორიგი სისულელე, რასაც ვისმენთ ოპოზიციის მხრიდან”,- განაცხადა ირაკლი კობახიძემ.

ცნობისთვის, გიორგი კანდელაკმა განაცხადა, რომ კორონავირუსს მთავრობა მანიპულაციისთვის იყენებს და ცდილობს, ეს სიტუაცია გამოიყენოს.

„რამდენიმე ათეული ათასი გაბრაზებული მოქალაქის ქვეყანაში დაბრუნების აღკვეთა უნდათ, ფაქტობრივად ბლოკადა არის გამოცხადებული ემიგრანტებისთვის საქართველოში დაბრუნებაზე“,- განაცხადა კანდელაკმა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს