გია ვოლსკი აშშ-ს მიერ ფატუ ბენსუდასთვის სანქციების დაწესებაზე - ამას არანაირი კავშირი არ აქვს იმ რეალობასთან, რასაც ფატუ ბენსუდა იძიებს საქართველოში

ეს კონკრეტული საქმეა, რომელიც ეხება ამერიკის შეერთებული შტატების და საერთაშორისო სასამართლოს ურთიერთობას და არანაირი კავშირი არ აქვს იმ რეალობასთან, რასაც ფატუ ბენსუდა იძიებს საქართველოში, - ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებთან აშშ-ის მიერ ფატუ ბენსუდასთვის სანქციების დაწესების საკითხის კომენტირებისას განუცხადა.

როგორც ვოლსკი ამბობს, ამას არანაირი კავშირი არ აქვს იმასთან, რასაც საქართველოში ფატუ ბენსუდა იძიებს.

„რუსეთმა მოახდინა საქართველოს ტერიტორიების ოკუპაცია, მშვიდობიანი მოსახლეობა დაიღუპა, ეს არის ის რეალობა რაც გაგვაჩნია და ამ რეალობას არავინ უარყოფს, არც სამართლებრივად, არც პოლიტიკურად. ამ საქმეებს გამოძიება და სამართლებრივი კვალიფიკაცია სჭირდება საერთაშორისო სასამართლოში, თუმცა, ამერიკის შეერთებული შტატების და კონკრეტული პროკურორის ურთიერთობა სხვა განზომილებაში უნდა განვიხილოთ და ალბათ, ამერიკელებს უნდა ვკითხოთ,“- განაცხადა ვოლსკიმ.

ცნობისათვის, აშშ-მა სისხლის სამართლის საერთაშორისო სასამართლოს პროკურორს ფატუ ბენსუდას, რომელიც ავღანეთში აშშ-ის სამხედრო ძალების მიერ ჩადენილ შესაძლო დანაშაულებს იძიებს, სანქციები დაუწესა.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა