რომან გოცირიძე - ხელისუფლებამ დუმილისა და მორჩილების რეჟიმში ყოფნა უნდა შეწყვიტოს და რუსეთის ბრალდება უმაღლეს საერთაშორისო დონეზე დააყენოს

ფრაქცია “ნაციონალური მოძრაობის” თავმჯდომარის რომან გოცირიძის განცხადებით, ლუგარის ლაბორატორიაზე კიბერშეტევა საქართველოს სუვერენიტეტზე თავდასხმაა. მისი თქმით, საქართველოს ხელისუფლებამ “დუმილისა და მორჩილების რეჟიმში” ყოფნა უნდა შეწყვიტოს და რუსეთის ბრალდება უმაღლეს საერთაშორისო დონეზე დააყენოს.

როგორც გოცირიძე აცხადებს, პუტინი, ალექსეი ნავალნის მოწამვლის თემის აბსურდული მიმართულებით გადაწევას ცდილობს.

“ეს პროცესი ძალიან ჰგავს მცოცავ ოკუპაციას, როდესაც საქართველოს ხელისუფლება ყოველთვის არის, ასე ვთქვათ, დუმილის რეჟიმში, არგაღიზიანების პოლიტიკის რეჟიმში და რუსეთს მუდამ გასდის საქართველოს მიმართ განხორციელებული სხვადასხვა ქმედებები, საოკუპაციო ხაზის გადმოწევით დაწყებული, უამრავი სხვა რამ. ხმა ამოიღოს საქართველოს მთავრობამ. გააგებინოს მთელ მსოფლიოს რომ ტერორისტი პუტინი, რომელიც თავის მთავარ პოლიტიკურ ოპონენტს კლავდა, ცდილობს ამ თემის აბსურდული მიმართულებით გადაწევას თავისი პოლიტიკური და სპეცსამსახურების მსგავსი არხებით. საქართველოს ტერიტორიაზე, ლუგარის ლაბორატორიაში სამხედრო ქიმიური მომწამვლელი ნივთიერებების წარმოების შესახებ რუსეთის ბრალდება არის ყველაზე მაღალ საერთაშორისო დონეზე დასაყენებელი საქართველოს ხელისუფლების მხრიდან. შეწყვიტონ დუმილისა და მორჩილების პოლიტიკა, რადგან ეს უკვე აღწევს უკიდურესი თავხედობისა და თავგასულობის ზღვარს. ჯანდაცვის სამინისტროს რაღაც რბილი პოლიტიკა არ არის ადეკვატური იმის, თუ რას სჩადის და როგორ ინტერპრეტაციას აძლევს ამბავს რუსეთის ფედერაცია”,- განაცხადა გოცირიძემ.

როგორც ის აცხადებს, საქართველოს ხელისუფლებამ აღნიშნულ ფაქტთან დაკავშირებით უმკაცრესი განცხადებები უნდა გააკეთოს.

„ეს არის პირდაპირ თავდასხმა ქვეყნის სუვერენეტეტისადმი. მსგავსი ქმედებები უნდა იყოს ალაგმული. საქართველოს ხელისუფლებამ უნდა გააკეთოს უმკაცრესი განცხადებები და არა რაღაც საწყალი კომენტარი, რომელსაც აკეთებს საქართველოს ჯანდაცვის სამინისტრო. ერთხელ უკვე გაუვიდა რუსეთს, ერთი წლის წინ, როდესაც მან განახორციელა, როგორც შემდეგ ექსპერტებმა თქვეს, არნახული კიბერშეტება საქართველოს სახელმწიფო ინსტიტუტების საიტებზე და მედიასაშუალებებზე და საქართველოს ხელისუფლებას ხმაც კი არ ამოუღია, სანამ შემდეგ ამერიკის მთავრობამ არ განაცხადა, რომ ეს ჩადენილი იყო რუსეთის მიერ და იძულებული გახდნენ, რომ ამ კონტექსტში რბილად ეხსენებინათ რუსეთი”,- განაცხადა გოცირიძემ.

ცნობისთვის, შინაგან საქმეთა სამინისტროს ინფორმაციით, ჯანდაცვის სამინისტროს კომპიუტერულ სისტემაზე უცხო ქვეყნიდან კიბერშეტევა განხორციელდა, რომლის მიზანი იყო ლუგარის ლაბორატორიაში დაცული დოკუმენტაციის მართლსაწინააღმდეგო გამოყენება.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე