ლანა გალდავა - რუსეთისა და საქართველოს ხელისუფლებები საქართველოს ეროვნული უსაფრთხოების წინააღმდეგ ერთ თამაშს თამაშობენ

რუსეთისა და საქართველოს ხელისუფლებები საქართველოს ეროვნული უსაფრთხოების წინააღმდეგ ერთ თამაშს თამაშობენ, - ამის შესახებ „ლელოს“ ისნის მაჟორიტარი დეპუტატობის კანდიდატმა ლანა გალდავამ განაცხადა, რითაც გამოეხმაურა რუსეთის სახელმწიფო დუმის თავდაცვის კომიტეტის თავმჯდომარის მოადგილე იური შვიტკინის განცხადებას, რომ რუსეთი არ არის დაკავებული „ნოვიჩოკის“ ჯგუფის ქიმიური ნივთიერების დამზადებით და მსგავსი ლაბორატორიები საქართველოსა და აშშ-ის ტერიტორიებზე არსებობს.

ლანა გალდავას თქმით, ეს თამაში საქართველოს ეროვნული

უსაფრთხოების წინააღმდეგაა მომართული. მისივე თქმით, რაც შეეხება საწამლავით ოპონენტების განადგურებას, ეს რუსეთის კარგად ნაცადი მეთოდია და ამის ვრცელი მაგალითები არსებობს.

„თანამედროვე მსოფლიოში საწამლავს ოპონენტების გასანადგურებლად მხოლოდ რუსეთის ხელისუფლება იყენებს, ჩვენ გვახსოვს ლუშენკო, ლიტვინენკო და ეს სია ვრცელია. დღესაც რუსეთის დუმის დეპუტატის განცხადება არის საქართველოს ეროვნული უსაფრთხოების წინააღმდეგ გაკეთებული განცხადება. მათი მთავარი მიზანი ჰიბრიდული ომის წარმოება და ლუგარის ლაბორატორიის წინააღმდეგ გაკეთებული განცხადებაა. ახლა, საქართველოს ხელისუფლება ამოფარებულია ექიმების დამცავ ფარს. ცოტა ხნის წინ მათი „ტროლები“ ლუგარის ლაბორატორიის კრიტიკით იყვნენ დაკავებული და მოკავშირეებიც კი იყვნენ რუსეთის ხელისუფლებასთან ამ ნარატივში. რუსეთისა და საქართველოს ხელისუფლებები თამაშობენ ერთ თამაშს და ეს თამაში საქართველოს ეროვნული უსაფრთხოების წინააღმდეგაა მიმართული. ჩვენ ყველანაირად უნდა შევეცადოთ, რომ ეს ხელისუფლება 31 ოქტომბრის შემდეგ აღარ იყოს საქართველოს მმართველობაში,“- განაცხადა ლანა გალდავამ.

აღნიშნულ კომენტარს „ლელოს“ პრესსამსახური ავრცელებს.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა