საქართველოს პარლამენტმა რეგლამენტში ცვლილებების პროექტი დაამტკიცა, რომელიც საქართველოს მთავრობის ავალდებულებს, პარლამენტს შეზღუდული შესაძლებლობის მქონე პირთა ძირითადი უფლებებისა და თავისუფლებების რეალიზაციის, მათ შორის, სოციალურ უფლებათა უზრუნველყოფის ღონისძიებების შესრულების თაობაზე ანგარიში წარუდგინოს.
ცვლილებების მიხედვით, ანგარიში მთავრობამ საკანონმდებლო ორგანოში არაუგვიანეს 1-ელი აპრილისა უნდა წარადგინოს. ანგარიში პარლამენტის პლენარულ სხდომაზე განიხილება წამყვანი კომიტეტის ან პარლამენტის ბიუროს (ბიუროს სხდომაზე დამსწრე წევრთა უმრავლესობის) მოთხოვნის საფუძველზე. პარლამენტი ანგარიშის პლენარულ სხდომაზე განხილვის შემთხვევაში იღებს დადგენილებასაც.
ცვლილებები 2021 წლის პირველი იანვრიდან ამოქმედდება.