იმის გამო, რომ გარკვეული ქმედებები კანონდარღვევით ჰქონდათ ჩატარებული, გამომძიებლებმა დაცვის მხარეს შეკითხვებზე პასუხები ვერ გასცეს, - ამის შესახებ გიორგი შაქარაშვილის საქმეზე ბრალდებული არასრულოწვნის ნ.ც.-ს ადვოკატმა, არჩილ ბერიანიძემ განაცხადა.

ადვოკატის ინფორმაციით, არცერთ მოწმეს კონკრეტული პირების დანაშაულთან შემხებლობა არ დაუდასტურებია, რადგან ფაქტის არ არსებობის გამო, ინფორმაცია არ ჰქონდათ.

"ბრალად წარდგენილი ქმედება არის დაუსაბუთებელი და საფუძვლად მტკიცებულება არ უდევს. დაკითხული არიან გამომძიებლებიც, რომლებმაც იმის გამო, რომ გარკვეული ქმედებები კანონდარღვევით ჰქონდათ ჩატარებული, დაცვის მხარეს შეკითხვებზე პასუხები ვერ გასცეს.

ერთ-ერთი კითხვა იყო, თუ როგორ შეეძლოთ რამდენიმე საგამოძიებო ქმედების ერთ დროში ჩატარება. ასევე, კანონდარღვევით არის ამოღებული ჩანთა, რომელიც გამოძიებამ სისხლის სამართლის საპროცესო კანონმდებლობით დადგენილი მოთხოვნების შეუსაბამოდ მოიპოვა,” - აღნიშნა არჩილ ბერიანიძემ.

შეგახსენებთ, რომ ფეხბურთელ გიორგი შაქარაშვილის გარდაცვალების საქმეზე 17 პირია დაკავებული, მათგან 6 არასრულწლოვანია.