დავით უსუფაშვილი - მიხეილ სააკაშვილო, ხელს არ გიშლით, ჩამოხვიდეთ, ჩამოდი და მიხედე შენს ბედს, მომავალს და გეგმებს

მიხეილ სააკაშვილო, ხელს არ გიშლით, ჩამოხვიდეთ საქართველოში, ჩამოდი და მიხედე შენს ბედს, მომავალს და გეგმებს, - ამის შესახებ „ლელო საქართველოსთვის“ ერთ-ერთმა ლიდერმა დავით უსუფაშვილმა „პალიტრანიუსის“ ეთერში, გადაცემა „360 გრადუსში“ განაცხადა.

ამასთან, როგორც მან აღნიშნა, „ლელო“ არავითარ შემთხვევაში არ შეუწყობს ხელს არსებული და ყოფილი ლიდერებისთვის ქვეყნის კიდევ ერთხელ ჩაბარებას.

უსუფაშვილის თქმით, საქართველოს სხვა მომავალი აქვს და ეს მომავალი არ შეიძლება დაკავშირებული იყოს ვინმე კონკრეტული ადამიანების „ხუშტურებთან და დაუკმაყოფილებელი ვნებების დაკმაყოფილებასთან“.

„ლელო“ არავითარ შემთხვევაში არ შეუწყობს ხელს არსებული და ყოფილი ლიდერისთვის ქვეყნის კიდევ ერთხელ ჩაბარებას, მათ საკმარისი დრო ჰქონდათ, რომ ამ ქვეყნისთვის ემსახურათ, გაეკეთებინათ რაც შეეძლოთ; სამწუხაროდ, გაეფუჭებინათ ის, რისი გაფუჭებაც შეეძლოთ, ამიტომ ქვეყანამ წინ უნდა გაიხედოს. ჩვენ „ლელო“ არ ვაპირებთ ძვირფასი დროის კარგვას, ენერგიის კარგვას ამ შესაძლო სცენარებზე.

მე, დავით უსუფაშვილი მიხეილ სააკაშვილო, ხელს არ გიშლით, ჩამოხვიდეთ საქართველოში, მეტი რა გითხრა, ჩამოდი და მიხედე იმ შენს ბედს, მომავალს და გეგმებს. მორჩა, ამით დავასრულე საუბარი. ჩამოვიდეს საქართველოში, თუ უნდა საქართველოში ყოფნა. ივანიშვილს ვეუბნები, წადი საქართველოდან, თუ არ გინდა საქართველოში ყოფნა. ერთად გინდათ სადმე შეხვედრა? შეხვდით, მაგრამ დაანებეთ ამ ქვეყანას თავი, ამ ქვეყანას აქვს სხვა მომავალი და ეს მომავალი არ შეიძლება, იყოს დაკავშირებული ვინმე კონკრეტული ადამიანის ხუშტურებთან, სურვილებთან, დაუკმაყოფილებელი ვნებების დაკმაყოფილებასთან“, - განაცხადა უსუფაშვილმა.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა