ბრაზილიაში, ბოლო 24 საათში, კორონავირუსის 4 773 ახალი შემთხვევა დადასტურდა და ინფიცირებულთა საერთო რაოდენობა 4 041 638-მდე გაიზარდა, - ამის შესახებ ინფორმაციას CNN-ი ქვეყნის ჯანდაცვის სამინისტროს მონაცემებზე დაყრდნობით ავრცელებს.

აღსანიშნავია, რომ მსოფლიოში ინფიცირების შემთხვევები 4 მილიონს მხოლოდ ორ ქვეყანაში - აშშ-სა და ბრაზილიაში - აჭარბებს.

რაც შეეხება დაღუპულებს, ბრაზილიაში, გასული დღე-ღამის განმავლობაში, კორონავირუსით კიდევ 834 ადამიანი გარდაიცვალა და ფატალური შემთხვევების რიცხვმა, საერთო ჯამში, 124 614-ს მიაღწია.

ცნობისათვის, ბრაზილიის ჯანდაცვის სამინისტრომ ორი დღის წინ განაცხადა, რომ მას შემდეგ, რაც კორონავირუსის საწინააღმდეგო ვაქცინა ქვეყნისთვის ხელმისაწვდომი გახდება, ბრაზილიელებისთვის ვაქცინაცია სავალდებულო არ იქნება.