თბილისის საქალაქო სასამართლოში ცოტნე გამსახურდიას საქმეზე ბრალდებული 4 პირის სასამართლო პროცესი გაიმართება.

სასამართლო პროცესი დღეს, 4 სექტემბერს, 11:00 საათზე არის ჩანიშნული.

პარალელურად სასამართლოსთან გამსახურდიას ოჯახის წევრები აქციას გამართავენ.

შეგახსენებთ, ცოტნე გამსახურდია 2019 წლის 19 დეკემბერს დაჭრეს. მას თავდაპირველად, ხეჩინაშვილის კლინიკაში მკურნალობდნენ, შემდეგ კი ჯერ თურქეთის კლინიკაში, შემდეგ გერმანიაში გადაიყვანეს. გამსახურდიას დაჭრის ფაქტზე 4 პირია დაკავებული.