მიხეილ ჩხენკელი ზესტაფონის ახლად რეაბილიტირებულ სკოლას ესტუმრა

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა ადგილობრივი ხელისუფლების წარმომადგენლებთან ერთად ქალაქ ზესტაფონის №1 ახლად რეაბილიტირებული საჯარო სკოლა დაათვალიერა.

როგორც „ინტერპრესნიუსს“ განათლების სამინისტროდან აცნობეს, მინისტრი სკოლის მასწავლებლებს გაეცნო, განახლებული სკოლის შენობა მიულოცა, პროფესიული წინსვლა და ნაყოფიერი პედაგოგიური საქმიანობა უსურვა.

„დღეს ვესტუმრე ქალაქ ზესტაფონის №1 საჯარო სკოლას, რომელსაც კულტურული მემკვიდრეობის ძეგლის სტატუსი აქვს მინიჭებული. წელს დასრულდა მისი სრული რესტავრაცია-რეაბილიტაცია. მოხარული ვარ, რომ მოსწავლეები ახალ სასწავლო წელს შეხვდებიან განახლებულ სკოლაში, რომლის გარე ფასადი შენარჩუნდა და თავის პირვანდელ სახეს დაუბრუნდა. შიდა სივრცე მოწყობილია თანამედროვე სტანდარტებით. სკოლაში ყველა პირობაა შექმნილი სწავლისათვის. ისტორიულ ძეგლს ახალი სიცოცხლე შეეძინა. ვულოცავ ზესტაფონლებს ამ ისტორიულ სკოლაში ახალი აკადემიური ცხოვრების დაწყებას. მინდა აღვნიშნო, რომ ჩვენი ხელისუფლების უმთავრესი პრიორიტეტი ახალგაზრდებზე და მათ განათლებაზე ზრუნვაა“, - განაცხადა მიხეილ ჩხენკელმა.

ინფორმაციაში აღნიშნულია, რომ ზესტაფონის №1 საჯარო სკოლის შენობას კულტურული მემკვიდრეობის ძეგლის სტატუსი აქვს და რესტავრაცია-რეაბილიტაციის შედეგად მან პირვანდელი სახე დაიბრუნა. გარდა ამისა, კეთილმოეწყო ეზო და რეკრეაციული სივრცე, გაკეთდა საფეხმავლო ბილიკები. შენობა გათვლილია 200 მოსწავლეზე. პროექტი სსიპ საგანმანათლებლო და სამეცნიერო ინფრასტრუქტურის განვითარების სააგენტოს ფინანსური მხარდაჭერით განხორციელდა და მისი ღირებულება 2,5 მლნ ლარზე მეტს შეადგენს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით