უკრაინაში ბოლო 24 საათში კორონავირუსის რეკორდული მაჩვენებელი დაფიქსირდა. ქვეყანაში ვირუსით კიდევ 2 723 ადამიანი დაინფიცირდა, მათ შორის 161 ბავშვია. საერთო ჯამში, ინფიცირებულთა რაოდენობამ კი 130 951-ს მიაღწია.

ამ ინფორმაციას უკრაინის ჯანდაცვის სამინისტრო ავრცელებს. ამასთან, უკრაინაში ბოლო დღე-ღამის განმავლობაში კორონავირუსით კიდევ 51 პაციენტი დაიღუპა და ვირუსის მსხვერპლთა რიცხვმა 2 761-ს მიაღწია. ქვეყანაში კორონავირუსის ყველაზე მეტი შემთხვევა ხარკოვის ოლქსა და კიევში ფიქსირდება.