საფრანგეთში კორონავირუსით ინფიცირების შემთხვევების მატების გამო 22 სკოლა დაიხურა. ამის შესახებ საფრანგეთის განათლების მინისტრმა ჟან-მიშელ ბლანკემ განაცხადა.

„საფრანგეთში 60 000 სკოლიდან 22 სკოლა დაიხურა, რაც მცირე მაჩვენებელია“, - განაცხადა მინისტრმა.

აღსანიშნავია, რომ სამშაბათიდან საფრანგეთის სკოლებში 12 მილიონამდე მოსწავლე დაბრუნდა. მშობლების ნაწილი და პედაგოგთა პროფკავშირები პანდემიის ფონზე სკოლების გახსნის წინააღმდეგები იყვნენ.

ცნობისთვის, გუშინ საფრანგეთის ჯანდაცვის სამინისტრომ განაცხადა, რომ ორი დღის განმავლობაში ზედიზედ ქვეყანაში კორონავირუსის 7 000-ზე მეტი ახალი შემთხვევა დაფიქსირდა. მათივე ცნობით, გაზრდილია საავადმყოფოში გადაყვანილი კოვიდინფიცირებულების რაოდენობაც.