„სამოქალაქო პლატფორმა 20/20“ მოითხოვს, ცესკომ საუბნო საარჩევნო კომისიების წევრების შერჩევის სტანდარტი შეიმუშაოს

„სამოქალაქო პლატფორმა 20/20“ ცესკოსგან მოითხოვს შემუშავდეს სტანდარტი და კრიტერიუმები, რომლის მიხედვითაც მოხდება საუბნო საარჩევნო კომისიების წევრების შერჩევა.

როგორც პროგრამების დირექტორმა ლაშა ფარულავამ განაცხადა, 5 სექტემბერს საუბნო საარჩევნო კომისიების წევრების შესარჩევი კონკურსი იწყება, თუმცა დღემდე არ არსებობს კრიტერიუმები, რომლის მიხედვითაც მოხდება კონკურსში მონაწილეთა დოკუმენტების გადარჩევა.

„ვინაიდან არ არსებობს სტანდარტი, კომისიის წევრების არჩევა ხდება „შპარგალკებით“ და წინასწარ დარიგებული სიებით. შესაბამისად, შერჩეული წევრები აფილირებულები არიან მმართველ პოლიტიკურ სუბიექტთან. ჩვენ თვალს მივადევნებთ კონკურსის შედეგად შერჩეულ საუბნო საარჩევნო კომისიის წევრთა ტრენინგებს და მუდმივი მონიტორინგი გვექნება ტრენინგებზე მათ დასწრებაზეც, ვინაიდან ხშირია შემთხვევები, როცა კონკურსის შედეგად შერჩეული კომისიის წევრები არ ესწრებიან ტრენინგს, რაც არჩევნების დღეს აჩენს მათი კომპეტენციის პრობლემას. ვინც არ დაესწრება ტრენინგებს უნდა მოიხსნას და ჩანაცვლდეს სხვა მონაწილით,“ - განაცხადა ლაშა ფარულავამ.

მისი თქმით, ასევე მავნე პრაქტიკაა საუბნო საარჩევნო კომისიების წევრების ხშირი ცვლა, რომელსაც ხშირად მიმართავენ პოლიტიკური სუბიექტები.

„ამ ადამიანების მომზადებაზე იხარჯება სახელმწიფო ფული, ამიტომ პოლიტიკური სუბიექტები ვალდებულები არიან, მეტი პასუხისმგებლობით მოეკიდნენ აღნიშნულ საკითხს“, - აღნიშნა ლაშა ფარულავამ.

„სამოქალქო პლატფორმა 20/20“-ის თავმჯდომარის ვასო ურუშაძის განცხადებით, მნიშვნელოვანია, პროცესი წარიმართოს გამჭვირვალედ, გამოცხადებული კონკურსის შესახებ გაიგოს ფართო საზოგადოებამ და პროცესი არ მოექცეს ე.წ. ჩაკეტილ წრეში.

„კონკურსი უნდა იყოს საყოველთაო, ამიტომ მის შესახებ ინფორმაციის განთავსება მხოლოდ ცესკოს ვებ-გვერდზე საკმარისი არ არის. გაუგებრობა შეიძლება გაჩნდეს, იმის გამოც, რომ რამდენიმე დღის წინ მიღებული პროტოკოლით დარეგულირდა საოლქო საარჩევნო ადმინისტრაციის შენობებში შესვლა/გამოსვლის წესები, ამიტომ კონკურსში მონაწილეობის მსურველებმა კარგად უნდა გაიგონ, საკუთარი რეზიუმეები როგორ მიაწოდონ საკონკურსო კომისიას“, - განაცხადა ვასო ურუშაძემ.

მისივე თქმით, შესაცვლელია ინფრასტრუქტურა, სადაც არჩევნები ტარდება, რადგან კორონავირუსის პირობებში ვიწრო სივრცე შეიძლება გახდეს არჩევნების გამართულად ჩატარების შემაფერხებელი ფაქტორი.

„ხელისუფლება ვალდებულია, ცესკო უზრუნველყოს შესაბამისი სივრცის მქონე ინფრასტრუქტურით, რათა არჩევნების დღეს საარჩევნო უბნებზე არ დადგეს რიგები. ასევე ხელისუფლება ვალდებულია, იზრუნოს საუბნო საარჩევნო კომისიის წევრთა ხელფასის ზრდაზეც, რათა გაიზარდოს გამოცხადებულ კონკურში მონაწილეობის მსურველთა მოტივაცია“, - განაცხადა ურუშაძემ.

„სამოქალქო პლატფორმა 20/20“-ის ცნობით, ცენტრალურმა საარჩევნო კომისიამ 1 სექტემბერს გამოაცხადა საოლქო საარჩევნო კომისიის დროებითი წევრის შესარჩევი კონკურსი, საბუთების მიღების კანონმდებლობით დაწესებულ ბოლო ვადად განსაზღვრულია 3 სექტემბერი. ასევე, 5 სექტემბერს ცხადდება საუბნო საარჩევნო კომისიების წევრების შესარჩევი კონკურსი.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება