სალომე ზურაბიშვილი - მადლობას ვუხდი გაეროს 84 სახელმწიფოს რეზოლუციის მხარდაჭერისთვის, უპრეცედენტო მხარდაჭერაა

საქართველოს პრეზიდენტი სალომე ზურაბიშვილი გაერო-ს გენერალური ასამბლეის მიერ „აფხაზეთიდან, საქართველო და ცხინვალის რეგიონიდან/სამხრეთ ოსეთიდან, საქართველო იძულებით გადაადგილებულ პირთა და ლტოლვილთა სტატუსის შესახებ" რეზოლუციის მხარდაჭერას სოციალურ ქსელ „ტვიტერში“ ეხმაურება.

„მადლობას ვუხდი გაეროს 84 სახელმწიფოს ოკუპირებული ტერიტორიებიდან იძულებით გადაადგილებულ პირთა შესახებ რეზოლუციის მხარდაჭერისთვის. ეს აჩვენებს, რომ გლობალური კრიზისის მიუხედავად, საქართველო საერთაშორისო დღის წესრიგშია. გლობალური საზოგადოება მხარს უჭერს იძულებით გადაადგილებულ პირთა უფლებების აღდგენასა და შინ დაბრუნების უფლებას. უპრეცედენტო მხადაჭერაა!“- წერს პრეზიდენტი.

შეგახსენებთ, გუშინ ნიუ-იორკში, გაერო-ს გენერალურმა ასამბლეამ, 74-ე სესიის ფარგლებში, მიიღო საქართველოსა და 54 ქვეყნის მიერ ინიცირებული რეზოლუცია „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ". რეზოლუციას მხარი გაეროს 84-მა სახელმწიფომ დაუჭირა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს