აბო თბილელის ქუჩაზე ხანძარი გაჩნდა. „ხანძარი სამსართულიანი შენობის გადახურვაზე გაჩნდა, ხანძარი უკვე ლოკალიზებულია და ამ ეტაპზე ხანძრის ლიკვიდირების სამუშაოები მიმდინარეობს“, - განუცხადეს „ინტერპრესნიუსს“ საგანგებო სიტუაციების მართვის სამსახურში.

საგანგებო სიტუაციების მართვის სამსახურის თბილისის მთავარი სამმართველოს უფროსის ოთარ კერესელიძის განცხადებით, ხანძრის სავარაუდო მიზეზი, ლიფტის შახტაში გაჩენილი ცეცხლია.

„იწვოდა საოჯახო ტიპის სასტუმრო. სასტუმრო არ ფუნქციონირებდა, მიმდინარეობდა სარემონტო სამუშაოები. დაშავებული არავინ არ არის. მოხდა ხანძრის დროული ლოკალიზაცია. ხანძრის მიზეზი უცნობია, თუმცა, სავარაუდოდ, ხანძარი გამოიწვია ლიფტის შახტიდან წამოსულმა ცეცხლმა. დამწვარია დაახლოებით 300 კვადრატი. ამ დროისათვის ხანძრის გავრცელების საფრთხე არ არის“, - განაცხადა ოთარ კერესელიძემ.