მირიან ნიკოლაძის განცხადებით, შაქარაშვილის საქმეში ჩანთის საკითხთან დაკავშირებით ბუნდოვანება ისევ რჩება და შესაძლოა, ის საქმის დამთავრების შემდეგაც არ აღმოიფხვრას

გიორგი შაქარაშვილის ბიძის მირიან ნიკოლაძის განცხადებით, შაქარაშვილის საქმეში ჩანთის საკითხთან დაკავშირებით ბუნდოვანება ისევ რჩება და შესაძლოა, ის საქმის დამთავრების შემდეგაც არ აღმოიფხვრას. ამის შესახებ მან „პალიტრანიუსის“ ეთერში, გადაცემა „რეზიუმეში“ განაცხადა.

ნიკოლაძის თქმით, ჩანთასთან დაკავშირებით არაერთი ვერსია არსებობს და არ არის გამორიცხული, რომ ჩანთა იქ მესამე პირებისგან მოხვედრილიყო.

„ჩანთასთან დაკავშირებით ძალიან ბევრი ვერსია იყო, სამწუხაროა, რომ ექსპერტიზის დასკვნის შემდეგაც ბუნდოვანება რჩება და შესაძლებელია ეს ბუნდოვანება საქმის დამთავრებამდე და მის შემდგომაც არ აღმოიფხვრას. ჩანთის საკითხი დღესდღეობით ღიაა, პასუხგაუცემელია, ვინაიდან ექსპერტიზამ ცალსახად ვერ განსაზღვრა ვისი დნმ-ი შეიძლება ყოფილიყო მასზე. ჩანთა თავისუფლად არის შესაძლებელი, რომ იქ მესამე პირებისგან მოხვედრილიყო. კადრში ჩანს, რომ ბავშვს ჩანთა ისე აქვს გადაკიდებული, სირბილისას ნებისმიერ დროს, ან ფერდობზე ჩამოსვლისას სადმე ჩამოვარდნილიყო და იქ ვინმე სხვას დაედო“, - განაცხადა მირიან ნიკოლაძემ.

ცნობისთვის, 19 წლის ფეხბურთელი, გიორგი შაქარაშვილი 18 ივნისს დაიკარგა. 4 დღიანი სამძებრო სამუშაოების შემდე, მისი ცხედარი მდინარე არაგვში იპოვეს. გიორგი შაქარაშვილის გარდაცვალების საქმეზე 17 პირია დაკავებული, მათგან 6 არასრულწლოვანია.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა