„ლელოს" ერთ-ერთ აქტივისტზე განხორციელებული თავდასხმის ფაქტზე შინაგან საქმეთა სამინისტრომ გამოძიება დაიწყო.
როგორც „ინტერპრესნიუსს“ შსს-დან აცნობეს, გამოძიება 126-ე მუხლის პირველი პრიმა ნაწილის "ბ" ქვეპუნქტით, რაც ჯგუფურ ძალადობას გულისხმობს.
შეგახსენებთ, რომ „ლელო საქართველოსთვის“ ერთ-ერთ აქტივისტს გიორგი გლურჯიძეს რამდენიმე ადამიანი თავს დაესხა. როგორც „ინტერპრესნიუსს“ პარტიის პრესსამსახურში განუცხადეს, თავდასხმის შედეგად გიორგი გლურჯიძემ ტვინის შერყევა მიიღო, რის გამოც ის ღუდუშაურის კლინიკაში გადაიყვანეს.
მათივე ცნობით, შემთხვევა მაშინ მოხდა, როდესაც გიორგი გლურჯიძე ქუჩაში ფეხით გადაადგილდებოდა, რა დროსაც ის რამდენიმე მოქალაქემ გააჩერა და ჰკითხა, რატომ უჭერდა მხარს „ლელოს“ .
გიორგი გლურჯიძე „ლელოს“ წევრის, ლევან სამუშიას შტაბის ხელმძღვანელია.