გიგი უგულავა - კოალიციური მმართველობა არის სწორი გამოსავალი, უნდა ვისწავლოთ პარტნიორობა და ეს დაგვაზღვევს იმ შეცდომებისგან, რასაც ხალხი მეორედ არ გვაპატიებს

„ევროპული საქართველოს“ ერთ-ერთი ლიდერის, ზუგდიდის ოლქში მაჟორიტარობის კანდიდატის გიგი უგულავას განცხადებით, მიხეილ სააკაშვილი პოლიტიკური დევნილია და მას საქართველოში დაბრუნებისა და პოლიტიკაში ჩართვის საშუალება უნდა მიეცეს. ამის შესახებ უგულავამ „პალიტრანიუსის“ ეთერში, გადაცემა „360 გრადუსში“ განაცხადა.

უგულავას თქმით, მიხეილ სააკაშვილის დაბრუნებასთან დაკავშირებით კატა-თაგვობანას თამაშით ხალხი დაიღალა და ეს ყველაფერი „ქართული ოცნების“ ოპოზიციაში გადასვლით უნდა დასრულდეს.

„სააკაშვილი არის პოლიტიკური დევნილი, ამ ქვეყანაში პოლიტიკური დევნა უნდა დასრულდეს. მას უნდა მიეცეს სამშობლოში დაბრუნებისა და პოლიტიკის კეთების საშუალება. რაც შეეხება დანარჩენს, აირჩევს მას ხალხი თუ არ აირჩევს, როგორ აირჩევს, რა პოზიციით აირჩევს და სხვა, ეს უკვე ქართველი ხალხის გადასაწყვეტია. რეალისტურად რომ ვთქვათ, ხალხი დაიღალა ამ კატა-თაგვობანას თამაშით და თუ გვინდა, რომ ეს ყველაფერი დასრულდეს, მაშინ უნდა დასრულდეს „ქართული ოცნების“ ბატონობა ხელისუფლებაში, ის უნდა წავიდეს ოპოზიციაში. ეს მიშას გასაგონადაც მნიშვნელოვანია, რადგან ხშირად მასაც ერთპიროვნულად წარმოუდგენია მართვა. ყველას გასაგონად მინდა ვთქვა და საკუთარ თავს ვეუბნები პირველ რიგში იმიტომ, რომ ეს პრობლემა მეც მქონია. ფაქტია, რომ ზედმეტი ხელისუფლება აფუჭებს, ამიტომ კოალიციური მმართველობა არის სწორი გამოსავალი, ჩვენ უნდა ვისწავლოთ პარტნიორობა და ეს პარტნიორობა დაგვაზღვევს ჩვენ იმ შეცდომებისგან, რასაც ხალხი მეორედ არ გვაპატიებს“, - განაცხადა უგულავამ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება