ინდოეთში, ბოლო 24 საათში, კორონავირუსის რეკორდულად მაღალი დღიური მაჩვენებელი - 86 432 ახალი შემთხვევა - დადასტურდა და ინფიცირებულთა საერთო რაოდენობამ 4 023 179 მიაღწია, - შესაბამის მონაცემებს ინდოეთის ჯანდაცვის სამინისტრო ავრცელებს.

ამავე მონაცემების თანახმად, ამჟამად ქვეყანაში კოვიდ 19-ის 846 395 აქტიური შემთხვევაა, გამოჯანმრთელებული ადამიანების რაოდენობა კი 3.1 მილიონს აჭარბებს.

რაც შეეხება ფატალურ შემთხვევებს, დღემდე ინდოეთში კორონავირუსს 69 561 ადამიანის სიცოცხლე ესმხვერპლა.

ცნობისათვის, კოვიდინფიცირებულთა რაოდენობით ინდოეთი მესამე ადგილზეა მსოფლიოში აშშ-სა და ბრაზილიის შემდეგ.