დიმიტრი ლორთქიფანიძე დიდუბე-ჩუღურეთში იყრის კენჭს

დიდუბე-ჩუღურეთში საინიციატივო ჯგუფის სახელით დიმიტრი ლორთქიფანიძე იყრის კენჭს. როგორც დიმიტრი ლორთქიფანიძე აცხადებს, პოლიტიკური ტაიმაუტი დაასრულა და პოლიტიკურ ცხოვრებას უბრუნდება.

„მიუხედავად იმისა, რომ 3 წლის წინ პოლიტიკური ტაიმაუტი ავიღე და დრო მთლიანად დავუთმე სახალხო დიპლომატიის სამოქალაქო პლატფორმის შექმნას, დიასპორულ ორგანიზაციებთან, საქართველოდან წასულ თანამემამულეებთან საქმიან და სასარგებლო კონტაქტების ძიებას, ვთვლი, რომ მთელი ეს წლები სწორედ პოლიტიკური კლასის ამაღლებასა და უაღრესად მნიშვნელოვანი გამოცდილების შეძენას მოხმარდა. როგორც უფლებადამცველი, სახალხო დამცველობის ხალხისგან მხარდაჭერილი და ხელისუფლებისგან უარყოფილი კანდიდატი, ყოველთვის ვალდებულად ვთვლიდი თავს ადამიანის რეალური კონსტიტუციური უფლებებისთვის ბრძოლა არა მხოლოდ სამართლებრივ ჭრილში, არამედ პოლიტიკურ პრიზმაში გამეტარებინა და მებრძოლა ამ იდეალებისთვის“, - განაცხადა ლორთქიფანიძემ.

მისივე განცხადებით, დღეს, როცა მსოფლიო პანდემიურმა ისტერიამ შეცვალა ჩვენი ცხოვრება და ამის ფონზე, წლების წინ საქართველოში დაწყებული სოციალური ექსპერიმენტების ლაბორატორიიდან პრაქტიკულ საქმეზე გადავიდა გაბატონებული პოლიტიკური ლიბერალური სისტემა და უკვე სახელმწიფოს მშენებლობის მთავარ კომპონენტს-ოჯახს შეეხო, სახელმწიფოს მთავარ საყრდენს ეკლესიას ომს უცხადებენ და ამცირებენ მომავალი თაობების თვალში, ისღა დარჩენია ხმა ამოიღოს.

„შევდივარ პოლიტიკურ ბრძოლაში არჩევნების გზით, როგორც დამოუკიდებელი და უპარტიო კანდიდატი, ამომრჩეველთა საინიციატივო ჯგუფის სახელით“, - განაცხადა ლორთქიფანიძემ.

შეგახსენებთ, რომ დიდუბე-ჩუღურეთში ასევე კენჭს იყრიან - "ქართული ოცნების" კანდიდატი გია ვოლსკი, "გირჩის" ლიდერი ზურა ჯაფარიძე, "მოძრაობა ხალხისთვის" ლიდერი ანა დოლიძე და "ლელოს" წევრი ლევან სამუშია.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით