ირანში გამდიდრებული ურანის რაოდენობა საერთაშორისო შეთანხმების ნორმებს 10-ჯერ აღემატება,- ამ ინფორმაციას ატომური ენერგიის საერთაშორისო სააგენტო ავრცელებს.
მათი მტკიცებით, ამ დროისთვის ირანში გამდიდრებული ურანის რაოდენობამ 2 100 კილოგრამს გადააჭარბა. აღნიშნული მონაცემები სააგენტომ მას შემდეგ მოიპოვა, რაც ირანის ხელისუფლებამ მათ ერთ-ერთი ბირთვული ობიექტის დათვალიერების უფლება მისცა.
შეგახსენებთ, გასულ წელს, ირანმა 2015 წელს გაფორმებული საერთაშორისო ბირთვული შეთანხმებიდან ეტაპობრივი გასვლა დაიწყო. შედეგად კი, ქვეყანა ვალდებული აღარაა ურანის გამდიდრებაზე დაწესებული შეზღუდვები დაიცვას. ამის გამო აშშ-მა ირანს სანქციები დაუწესა.